ستمبر کاشتہ کماد،گندم اور برسیم میں بھی میٹھی سرسوں کی کامیابی سے مخلوط کاشت کی جاسکتی ہے،ڈپٹی ڈائریکٹر زراعت

پیر 2 اکتوبر 2023 11:40

فیصل آباد (اُردو پوائنٹ اخبارتازہ ترین - اے پی پی۔ 02 اکتوبر2023ء) محکمہ زراعت توسیع فیصل آباد کے ڈپٹی ڈائریکٹرچوہدری خالد محمودنے کاشتکار وں کوزیادہ سے زیادہ رقبہ پر کینولایعنی میٹھی سرسوں کاشت کر نے کی ہدایت کرتے ہوئے کہا ہے کہ اگر علیحدہ رقبہ میسر نہ ہو تو ستمبر کاشت کماد،چنے،گندم اور برسیم وغیرہ میں بھی کامیابی سے اس کی مخلوط کاشت کی جاسکتی ہے۔

(جاری ہے)

انہوں نے کہا کہ کاشتکار بیج کے حصول اور کاشتی امور کی راہنمائی کیلئے محکمہ زراعت توسیع اور پی او ڈی بی کے عملہ سے رجوع کریں۔انہوں نے بتایاکہ کینولا کی کاشت کا بہترین وقت 15ستمبر سے31اکتوبر تک ہے۔ انہوں نے کہا کہ کاشتکار منظور شدہ اقسام پنجاب کینولا،فیصل کینولا،پی اے آر سی کینولا ہائبرڈوغیرہ کاشت کریں۔انہوں نے کہا کہ شرح بیج آبپاش علاقوں کیلئے ڈیڑھ تا2 کلو گرام جبکہ بارانی علاقوں میں 2تااڑھائی کلو گرام فی ایکڑ رکھی جائے۔انہوں نے کہا کہ فصل کو بیماریوں سے محفوظ رکھنے کیلئے بیج کو سرایت پذیر پھپھوندی کش زہر لگانا بہت ضروری ہے۔

Facebook Twitter Google + Share on Whatsapp

ستمبر کاشتہ کماد،گندم اور برسیم میں بھی میٹھی سرسوں کی کامیابی سے مخلوط کاشت کی جاسکتی ہے،ڈپٹی ڈائریکٹر زراعت

متعلقہ عنوان :

مزید زراعت کی خبریں