لاہور کی انسداد دہشت گردی عدالت نے سرکاری پلاٹوں پر قبضہ کرنے پر منشا بم کی ضمانت خارج کر دی

جمعرات 19 اکتوبر 2023 21:12

لاہور (اُردو پوائنٹ اخبارتازہ ترین - اے پی پی۔ 19 اکتوبر2023ء) لاہور کی انسداد دہشت گردی عدالت نے سرکاری پلاٹوں پر قبضہ کرنے اور سرکاری ملازمین سے الجھنے کے مقدمے میں لاہور شہر کی سیاسی شخصیت منشا بم کی ضمانت خارج کر دی۔انسداد دہشت گردی عدالت کی ایڈمن جج عبہر گل خان نے جمعرات کو منشا بم کی درخواست ضمانت پر سماعت کی ۔

(جاری ہے)

منشا بم نے سرکاری پلاٹوں پر قبضہ کرنے اور سرکاری ملازمین سے الجھنے کے مقدمے میں درخواست ضمانت دائر کی اور موقف اختیار کیا کہ مقدمہ جھوٹ پر مبنی ہے ۔

کسی قسم کی کوئی ریکوری بھی نہیں ہوئی لہذا عدالت ضمانت منظور کر کے رہائی کا حکم دے ۔ سرکاری وکیل نے درخواست ضمانت کی مخالفت کی عدالت نے منشا بم کی ضمانت بعد از گرفتاری خارج کر دی ۔تھانہ ٹائون شپ پولیس نے منشا بم کے خلاف مقدمہ درج کررکھا ۔