سندھ‘ گریجویٹ اوراچھی شہرت کا حامل پولیس افسر ہی ایس ایچ او بن سکے گا، حکم نامہ جاری

جمعرات 4 ستمبر 2025 13:54

کراچی(اُردو پوائنٹ اخبارتازہ ترین - این این آئی۔ 04 ستمبر2025ء) سندھ بھر میں اب صرف گریجویٹ اور اچھی شہرت کے حامل پولیس افسران ہی تھانیدار (ایس ایچ او) تعینات ہوسکیں گے۔تفصیلات کے مطابق صوبے میں صرف گریجویٹ اور اچھی شہرت کے حامل پولیس افسران کو ہی تھانیدار تعینات کیے جانے کا حکم نامہ آئی جی سندھ غلام نبی میمن کی جانب سے جاری کیا گیا ہے۔

(جاری ہے)

آئی جی سندھ کے حکم نامے کے مطابق سندھ ہائیکورٹ کے احکامات کے تناظر میں ایس ایچ اوز کی تعیناتی کے لیے جاری کیے گئے ایس او پیز کے تحت صرف ان پولیس افسران کو ایس ایچ اوز تعینات کیا جائے جو گریجویٹس، اچھے رویے کے حامل ہیں اور جن کا کرمنل ریکارڈ نہیں ہے۔رپورٹ کے مطابق آئی جی سندھ کے حکم نامے اور شق میں اضافے کے بعد صوبے میں بڑی تعداد میں ایس ایچ اوز کے تبادلوں کا امکان ظاہر کیا جارہا ہے۔