بیٹا شادی نہیں کرارہا، 80 سالہ بوڑھا شخص لاٹھی کے سہارے عدالت پہنچ گیا

پیر 6 نومبر 2023 23:14

جیکب آباد (اُردو پوائنٹ اخبارتازہ ترین - این این آئی۔ 06 نومبر2023ء) بیٹا شادی نہیں کرارہا، 80 سالہ بوڑھا شخص لاٹھی کے سہارے عدالت پہنچ گیا۔ تفصیلات کے مطابق جیکب آباد میں 80 سالہ بوڑھا شخص شادی نہ کرانے پر بیٹے کے خلاف عدالت پہنچ گیا اور شکایت کی کہ میرا بیٹا میری شادی نہیں کرارہا۔

(جاری ہے)

جیکب آباد کے نواحی گاؤں محب جتوئی کا رہائشی 80 سالہ بزرگ منٹھار علی جتوئی شادی نہ کرانے کی شکایت لیکر ڈسٹرکٹ اینڈ سیشن جج کی عدالت پہنچا، عدالت میں بزرگ منٹھار علی جتوئی نے میڈیا سے گفتگو کرتے ہوئے کہا کہ میرا بیٹا منظور علی جتوئی میری شادی نہیں کرارہا میں ضعیف ہوچکا ہوں مجھے سہارے کی ضرورت ہے، بیٹا میرے رشتہ داروں کو بھی مجھے رشتہ دینے سے منع کررہا ہے اس لیے وکیل کی معرفت بیٹے کے خلاف درخواست دائر کی ہے مجھے امید ہے کہ میرے ساتھ انصاف کرتے ہوئے میرے بیٹے کو پابند بنایا جائے گا کہ وہ میری شادی کرائے، اس سلسلے میں بزرگ کے دوسرے بیٹے حامد جتوئی سے رابطہ کیا گیا تو انہوں بتایا کہ والد کی عمر 80 سال سے زائد ہوچکی ہے اس عمر میں کون رشتہ دے گا ہم نے والد کی شادی کے لیے بہت لوگوں کو منتیں کی ہیں لیکن کوئی رشتہ نہیں دے رہا، والد ہمارے لیے محترم ہے ان کا احترام ہے لیکن وہ شادی کے لیے بضد ہے اور ہماری کے خلاف علاقے کے معززین کے پاس جارہا ہے آج عدالت پہنچا ہے جس کی وجہ سے ہم سخت پریشان ہیں۔