آئی ایم ایف قسط کی وصولی کی متوقع تاریخ سامنے آ گئی

آئی ایم ایف ایگزیکٹیو بورڈ کا اجلاس 7 دسمبر کو متوقع ، پاکستان سے معاہدے کی منظوری کا امکان

محمد علی بدھ 22 نومبر 2023 21:50

اسلام آباد(اُردو پوائنٹ اخبارتازہ ترین۔ 22 نومبر2023ء) آئی ایم ایف قسط کی وصولی کی متوقع تاریخ سامنے آ گئی، آئی ایم ایف ایگزیکٹیو بورڈ کا اجلاس 7 دسمبر کو متوقع ، پاکستان سے معاہدے کی منظوری کا امکان۔ پاکستان اور آئی ایم ایف کے درمیان اسٹینڈ بائی ایگریمنٹ کا معاملہ،پاکستان کیلئے ستر کروڑ ڈالر قرض کی منظوری دسمبر کے پہلے ہفتے میں متوقع ہے۔

آئی ایم ایف ایگزیکٹیو بورڈ کا اجلاس 7 دسمبر کو متوقع ہے جس میں پاکستان سے معاہدے کی منظوری کا امکان ہے۔

(جاری ہے)

ایگزیکٹو بورڈ کی منظوری سے پاکستان کو70کروڑ ڈالر کی اگلی قسط ملے گی، قسط 3 ارب ڈالر کے اسٹینڈبائی ارینجمنٹ جائزے کے تحت ملے گی، پاکستان اور آئی ایم ایف کے درمیان اسٹینڈ بائی ایگریمنٹ 15 نومبر ہو ہوا تھا، اقتصادی جائزہ میں آئی ایم ایف وفد نے پاکستان کی معاشی کارکردگی پر اطمینان کا اظہار کیا تھا۔