کماد کی پیداوار میں اضافہ کے قومی منصوبہ کے تحت نمائشی پلاٹ لگانے کافیصلہ

جمعرات 23 نومبر 2023 12:14

فیصل آباد (اُردو پوائنٹ اخبارتازہ ترین - اے پی پی۔ 23 نومبر2023ء) حکومت کے کماد کی پیداوار میں اضافہ کے قومی منصوبہ کے تحت نمائشی پلاٹ لگانے کافیصلہ کیا گیا ہے جس کے تحت فیصل آباد ڈویژن کے چاروں اضلاع فیصل آباد، جھنگ، ٹوبہ ٹیک سنگھ،چنیوٹ،سرگودھا،بھکر، منڈی بہاؤالدین،قصور مظفر گڑھ،لیہ،راجن پور،بہاولپور اور رحیم یار خان سمیت 13اضلاع کے کاشتکاروں سے 4جنوری تک درخواستیں طلب کر لی گئی ہیں۔

(جاری ہے)

نظامت زرعی اطلاعات محکمہ زراعت پنجاب کے مطابق حکومت پنجاب کے کسان دوست اقدام کے تحت یہ نمائشی پلاٹ 2023-24میں لگائے جائیں گے۔انہوں نے کہاکہ نمائشی پلاٹ لگانے کیلئے 5سے 25ایکڑ تک قابل کاشت زرعی اراضی کے مالک کاشتکار مرد و خواتین درخواستیں دینے کے اہل ہیں جنہیں حکومت پنجاب کی طرف سے ایک ایکڑ نمائشی پلاٹ کیلئے اخراجات کی مد میں معقول معاونت فراہم کی جائے گی اور کامیاب کاشتکار محکمہ زراعت کی سفارشات کے مطابق نمائشی پلاٹ کاشت کرے گا۔انہوں نے بتایاکہ نمائشی پلاٹ کیلئے درخواست فارم متعلقہ ضلع و تحصیل کے اسسٹنٹ ڈائریکٹر یا زراعت آفیسر محکمہ زراعت توسیع کے دفتر سے مفت حاصل کئے جاسکیں گے۔