اشتعال انگیز تقاریر، مریم اورنگزیب کے ناقابل ضمانت وارنٹ گرفتاری جاری ،جاوید لطیف کے منسوخ

ہفتہ 25 نومبر 2023 22:00

لاہور(اُردو پوائنٹ اخبارتازہ ترین - آن لائن۔ 25 نومبر2023ء) انسداد ددہشتگردی کی عدالت نے (ن) لیگ کی رہنما مریم اورنگزیب کے ناقابل ضمانت وارنٹ گرفتاری جاری کردیے۔

(جاری ہے)

لاہور کی انسداد دہشتگردی کی عدالت میں مریم اورنگزیب سمیت دیگر کے خلاف اشتعال انگیز گفتگو کرنے کے مقدمے کی سماعت ہوئی، اس مقدمے میں لیگی رہنما جاوید لطیف بھی نامزد ہیں جنہوں نے عدالت میں پیش ہوکر اپنی حاضری مکمل کرائی۔

سابق وزیر مریم اورنگزیب گزشتہ سماعت پر عدالت میں پیش نہیں ہوئی تھیں اور انہوں نے حاضری معافی کی درخواست دی تھی لیکن وہ اس سماعت پر بھی پیش نہ ہوئیں جس پر عدالت نے ان کے ناقابل ضمانت وارنٹ گرفتاری جاری کردیے۔عدالت نی؂ جاوید لطیف پیش ہونے پر ان کے ناقابل ضمانت وارنٹ گرفتاری منسوخ کردیے اور سماعت 9 دسمبر تک ملتوی کردی