نیشنل ایئرو سپیس سائنس اینڈ ٹیکنالوجی (NASTP)کا ملکی ترقی میں اہم کردار

انفارمیشن ٹیکنالوجی، ہوا بازی اور سائبر ٹیکنالوجی کے شعبوں میں تحقیق اور جدت کو فروغ کیلئے کوشاں

پیر 27 نومبر 2023 20:00

راولپنڈی (اُردو پوائنٹ اخبارتازہ ترین - آن لائن۔ 27 نومبر2023ء) نیشنل ایئرو سپیس سائنس اینڈ ٹیکنالوجی (NASTP)کا ملکی ترقی میں اہم کردار، انفارمیشن ٹیکنالوجی، ہوا بازی اور سائبر ٹیکنالوجی کے شعبوں میں تحقیق اور جدت کو فروغ کیلئے کوشاں ، ملکی ٹیکنالوجی کے ماحول میں بہتری کی طرف مثبت اقدام ۔

(جاری ہے)

نیشنل ایئرو سپیس سائنس اینڈ ٹیکنالوجی پارک(NASTP) ایک اسٹرٹیٹجک ادارہ ہے ، جسے پاک فضائیہ کی مدد سے قائم کیا گیا ہے، یہ ادارہ صنعت، اکیڈیمیا اور حکومت کے درمیان مشترکہ کام کے مواقع پیدا کر رہا ہے، ملک میں ٹیکنالوجی کے ماحول میں بہتری کی طرف یہ ایک مثبت اقدام ہے، نیشنل ایئرو سپیس سائنس اینڈ ٹیکنالوجی پارک کا مشن انفارمیشن ٹیکنالوجی، ہوا بازی اور سائبر ٹیکنالوجی کے شعبوں میں تحقیق اور جدت کو فروغ دینا ہے، ملکی اور غیر ملکی کمپنیوں کو خدمات دینے کے علاوہ یہ ادارہ متحدہ عرب امارات کی کئی کمپنیوں میں ٹیکنالوجی ٹرانسفر کر رہا ہے، ترک ایئرو سپیس انڈسٹری کی دو اہم کمپنیوں BAYKAR اور ترکش ایئرو سپیس انڈسٹری (TAI) نے بھی NASTP میں اپنے دفاتر قائم کئے ہیں ، جبکہ اس ادارے نے کارپوریٹ فارمنگ کیلئے چولستان میں جدید ترین زرعی نظام تیار کیا ہے، نیشنل ایئرو سپیس سائنس اینڈ ٹیکنالوجی پارک (NASTP) نے پاکستان کے اہم علاقوں بشمول راولپنڈی، لاہور، کراچی اور پشاور میں اپنے ہیڈکوارٹرز قائم کئے ہیں،،