شمالی علاقوں میں آئندہ چند گھنٹوں کے دوران برفباری کا امکان

محکمہ موسمیات نے ملک کے بعض مقامات پر آندھی/ تیز ہواؤں اورگرج چمک کے ساتھ بارش کی بھی پیشن گوئی کر دی

منگل 28 نومبر 2023 22:50

شمالی علاقوں میں آئندہ چند گھنٹوں کے دوران برفباری کا امکان

اسلام آباد (اُردو پوائنٹ اخبارتازہ ترین - اے پی پی۔ 28 نومبر2023ء) ملک کے بیشتر بالائی علاقوں میں مطلع ابر آلود رہنے کے علاوہ بعض مقامات پر آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے۔

(جاری ہے)

محکمہ موسمیات کے مطابق (کل )بدھ کے روز ملک کے بیشتر بالائی علاقوں میں مطلع ابر آلود رہے گاتاہم بعد دوپہراور شام/رات کو خطہ پوٹھوہار سمیت شمال مشرقی پنجاب ،بالائی خیبر پختونخوا، گلگت بلتستان اورکشمیر میں آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے۔

اس دوران چند مقا مات پر ژالہ باری کی بھی توقع ہے۔ پنجاب کے وسطی/جنوبی علاقوں اور بالائی سندھ میں صبح کے اوقات میں سموگ اور دھند چھائے رہنے کا امکان ہے۔گذشتہ 24 گھنٹوں کے دوران ملک کے بیشترعلاقوں میں موسم سرد اور خشک رہا۔ اس دوران ملک میں کم سے کم درجہ حرارت لہہ منفی 3 ، گوپس منفی 2 ، کالام، قلات اور سکردو میں منفی ایک ڈگری سینٹی گریڈ ریکارڈ کیا گیا۔