غزہ میں 4 روزہ جنگ بندی میں 69 یرغمالی رہا ہوئے، قطر ی وزارتِ خارجہ

منگل 28 نومبر 2023 23:16

دوحہ (اُردو پوائنٹ اخبارتازہ ترین - آن لائن۔ 28 نومبر2023ء) قطر ی وزارتِ خارجہ کے ترجمان ماجد الانصاری نے کہاہے کہ غزہ میں 4 روزہ جنگ بندی میں 69 یرغمالی رہا ہوئے۔پریس بریفنگ میں ماجد الانصاری نے کہا کہ قطر متعلقہ فریقوں کے ساتھ جنگ بندی میں توسیع کے لیے کام کر رہا ہے، غزہ میں مکمل جنگ بندی کے لیے کوششیں بڑھا دی ہیں۔

(جاری ہے)

غزہ میں انسانی امداد مسلسل پہنچنے کو یقینی بنانا چاہتے ہیں، قطر نے غزہ کے لیے 910 ٹن امدادی سامان سے لدے 27 طیارے مصر بھیجے ہیں۔

انہوں نے کہا کہ مذاکراتی عمل مشکل ہے، ہر پارٹی کے اپنے مطالبات اور تحفظات ہیں، ہم چیزوں کو حل کرنے کی پوری کوشش کر رہے ہیں، سب سے سخت فریق اسرائیل تھا۔غزہ کی جنگ بندی میں 2 روزہ توسیع میں 20 اسرائیلی یرغمالی رہا ہو سکتے ہیں، اس وقت ترجیح سویلین خواتین اور بچوں کو رہا کیا جانا ہے۔