غزہ میں قحط کا بدترین خطرہ ہے، اقوام متحدہ نے خبردارکردیا

غزہ کی آبادی خصوصا خواتین اور بچے قحط کے بدترین خدشات سے دو چار ہیں،رپورٹ

بدھ 29 نومبر 2023 14:24

غزہ میں قحط کا بدترین خطرہ ہے، اقوام متحدہ نے خبردارکردیا

غزہ (اُردو پوائنٹ اخبارتازہ ترین - این این آئی۔ 29 نومبر2023ء) اقوام متحدہ کے ادارے ورلڈ فوڈ پروگرام نے خبردار کیا ہے کہ اشیائے خورونوش کی کمی کے سبب غزہ کی آبادی خصوصا خواتین اور بچے قحط کے بدترین خدشات سے دو چار ہیں۔غیرملکی خبرایجنسی کی رپورٹ کے مطابق اقوام متحدہ کے ادارے ورلڈ فوڈ پروگرام نے کہا کہ ان کے عملے نے 4 روزہ عارضی جنگ بندی کے دوران اب تک ایک لاکھ 21 ہزار 161 افراد کو کھانا فراہم کیا ہے۔

(جاری ہے)

مشرق وسطی کے لیے ورلڈ فوڈ کے ڈائریکٹر کورین فلیشر نے کہا کہ شکر ہے جنگ بندی ہوئی، ہماری ٹیمیں عملی طور پر کام میں مصروف ہیں اور ایسے مقامات تک پہنچنے کی کوشش کر رہی ہیں جہاں ہم طویل عرصے سے رسائی نہیں کر پا رہے تھے۔ورلڈ فوڈ پروگرام نے کہا کہ اس بات کا انتہائی خدشہ ہے کہ غزہ کے عوام خصوصا خواتین اور بچے خوراک کی کمی کا شکار ہوں گے اگر کھانے کی اشیا تک بلاروک ٹوک رسائی نہیں دی گئی۔