Live Updates

شان مسعود کو کراچی کنگز کا کپتان بنائے جانے کا امکان

نسیم شاہ کا کوئٹہ گلیڈی ایٹرز چھوڑ کر ملتان سلطانز جانے کا امکان

ذیشان مہتاب بدھ 29 نومبر 2023 14:06

لاہور (اردو پوائنٹ تازہ ترین اخبار ۔ 29 نومبر 2023ء ) عماد وسیم کے خیر باد کہنے کے بعد شان مسعود کو کراچی کنگز کا کپتان بنائے جانے کا امکان ہے۔ پاکستان سپر لیگ (پی ایس ایل) سیزن 9 کے لیے ٹیموں میں اکھاڑ پچھاڑ جاری ہے اور کراچی کنگز کے کپتان عماد وسیم نے 8 سال بعد ٹیم کو چھوڑنے کا فیصلہ کیا ہے۔ عماد وسیم کراچی کنگز سے اسلام آباد یونائیٹڈ چلے گئے ہیں جب کہ حسن علی نے بھی اسلام آباد یونائیٹڈ کی ٹیم کو خیرباد کہہ دیا ہے۔

(جاری ہے)

حسن علی اب کراچی کنگز کی طرف سے کھیلیں گے جب کہ محمد عامر نے بھی کراچی کنگز کی ٹیم چھوڑ دی ہے اور اب وہ کوئٹہ گلیڈی ایٹرز کی طرف سے کھیلیں گے۔ ’بول نیوز‘ کے مطابق نسیم شاہ کا کوئٹہ گلیڈی ایٹرز چھوڑ کر ملتان جانے کا امکان ہے جب کہ عماد وسیم کے بعد شان مسعود کو کراچی کنگز کا کپتان بنائے جانے کا امکان ہے۔ واضح رہے کہ پی ایس ایل کا اگلا ایڈیشن 8 فروری سے 24 مارچ تک کھیلا جائے گا جس کے لیے غیر ملکی کھلاڑیوں کی رجسٹریشن کا عمل پہلے ہی شروع ہوچکا ہے جب کہ دسمبر میں نیشنل ٹی ٹونٹی کے اختتام پر پی ایس ایل 9 کا ڈرافٹ شیڈول ہوگا۔