سعودی عرب ،مختلف علاقوں میں درجہ حرارت میں کمی آنا شروع

ریاض میں درجہ حرارت 12 سے 15 سینٹی گریڈ تک رہنے کا امکان ہے،محکمہ موسمیات

بدھ 29 نومبر 2023 17:02

سعودی عرب ،مختلف علاقوں میں درجہ حرارت میں کمی آنا شروع

ریاض (اُردو پوائنٹ اخبارتازہ ترین - این این آئی۔ 29 نومبر2023ء) سعودی عرب میں موسمیات کے قومی مرکز کے جاری کردہ بیان میں کہا گیا ہے کہ مملکت کے وسطی علاقوں میں درجہ حرارت میں کمی آنا شروع ہوگئی ہے۔بین الاقوامی خبر رساں ادارے کی رپورٹ کے مطابق سعودی عرب میں موسمیات کے قومی مرکز نے آفیشل ایکس اکائونٹ پر کہا کہ مملکت کے وسطی علاقوں میں کم از کم درجہ حرارت میں کمی ہوگی۔

(جاری ہے)

محکمہ موسمیات کے مطابق دارالحکومت ریاض میں درجہ حرارت 12 سے 15 سینٹی گریڈ تک رہنے کا امکان ہے۔شرقیہ ریجن، قصیم، مدینہ اور حائل خاص طور پر بارش کی زد میں رہیں گے۔اس سے قبل موسمیات کے قومی مرکز کے تجزیہ کارعقیل العقیل کا کہنا تھا کہ اس سال موسم سرما کے دوران سعودی عرب میں دیگر برسوں کے مقابلے میں زیادہ موسلا دھار بارش کا امکان ہے۔عقیل العقیل کا کہنا تھا کہ اس سال موسم سرما میں بارشیں معمول سے زیادہ ہوں گی۔ خصوصا دسمبر میں بارش کا تناسب پچاس فیصد تک زیادہ ہوگا۔