ملک کے مختلف مقامات پر آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے ، محکمہ موسمیات

بدھ 29 نومبر 2023 20:07

اسلام آباد (اُردو پوائنٹ اخبارتازہ ترین - اے پی پی۔ 29 نومبر2023ء) ملک کے بیشتر بالائی علاقوں میں مطلع جزوی ابر آلود رہے گا جبکہ مختلف مقامات پر آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے ۔

(جاری ہے)

محکمہ موسمیات کے مطابق (کل )جمعرات کے روز خطہ پوٹھوہار ،اسلام آباد،بالائی پنجاب ،بالائی خیبر پختونخوا، گلگت بلتستان اورکشمیر میں آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے۔

اس دوران چند مقامات پر ژالہ باری کی بھی توقع ہے جبکہ پنجاب، خیبر پختونخوا کے میدانی علاقوں اور بالائی سندھ میں صبح کے اوقات میں سموگ اور دھند چھائے رہنے کا امکان ہے ۔گذشتہ 24 گھنٹوں کے دوران ملک کے بیشترعلاقوں میں موسم سرد اور خشک رہا ۔ اس دوران ملک میں کم سے کم درجہ حرارت لہہ منفی 5، سکردو منفی 3، قلات منفی 2 اور گوپس میں منفی ایک ڈگری سینٹی گریڈ ریکارڈ کیا گی۔