پی آئی اے اورایف بی آر کے درمیان مذاکرات کے بعد پی آئی اے کے تمام بنک اکائونٹس بحال

جمعرات 30 نومبر 2023 12:16

اسلام آباد (اُردو پوائنٹ اخبارتازہ ترین - اے پی پی۔ 30 نومبر2023ء) پاکستان انٹرنیشنل ایئر لائن (پی آئی اے)اور فیڈرل بورڈ آف ریونیو (ایف بی آر)کے مابین مذاکرات کے بعد پی آئی اے کے تمام بنک اکائونٹس بحال کر دیئے گئے ۔

(جاری ہے)

پی آئی اے کے ترجمان عبداللہ حفیظ خان کی طرف سے جمعرات کو جاری بیان کے مطابق ایف بی آر کی جانب سے پی آئی اے کے تمام اکاونٹس بحال کر دیئے گئے ہیں۔ ترجمان نے کہا کہ پی آئی اے اور ایف بی آر کی مابین سود حاصل مذاکرات ہوئے ہیں جس کے بعد ملک بھر میں پی آئی اے کے تمام اکاونٹس بحال کرنے کے احکامات جاری کر دیئے گئے ہیں۔ ترجمان نے کہا کہ اس حوالے سے پی آئی اے اور ایف بی آر کا لارج ٹیکس یونٹ مسئلے کے حل کیلئے مسلسل رابطے میں رہا ہے ۔