سموں کے غیر قانونی اجراء کی روک تھام کے لئے پی ٹی اے کے اقدامات

قصورمیں ایک موبائل فون کمپنی کے سیلزچینل پرکامیاب چھاپہ

جمعرات 30 نومبر 2023 22:51

سموں کے غیر قانونی اجراء کی روک تھام کے لئے پی ٹی اے کے اقدامات

اسلام آباد (اُردو پوائنٹ اخبارتازہ ترین - آن لائن۔ 30 نومبر2023ء) : پاکستان ٹیلی کمیونیکیشن اتھارٹی (پی ٹی ای) زونل آفس لاہور نے فیڈرل انویسٹی گیشن ایجنسی (ایف آئی ای) سائبر کرائم سرکل کے ساتھ مل کر قصور میں ایک موبائل فون کمپنی کے سیلز چینل پر کامیاب چھاپہ مارا۔چھاپے کے دوران سیلز چینل کو سموں کی غیر قانونی ایکٹیویشن اور افراد کو پری ایکٹیویٹڈسمز کی فروخت میں ملوث پایا گیا۔

(جاری ہے)

چھاپے کے دوران ایف آئی اے کی ٹیم نے 53 فعال سمیں قبضے میں لے لیں اور ایک شخص کو گرفتار کر لیا گیا۔ مزید برآں، غیر قانونی سم کی فراہمی میں ملوث نیٹ ورک کا بھی پتہ چلا۔ اس سے قبل پی ٹی اے نے سیلز چینل کی جانب سے سموں کے غیر قانونی اجرائ سے متعلق معلومات کی بنیاد پر ایف آئی اے کو شکایت کی تھی۔ ملزم کے خلاف ایف آئی آر درج کر لی گئی ہے۔اس چھاپے سے سموں کی غیر قانونی ایکٹیویشن کی روک تھام کے لیے پی ٹی اے کی جانب سے جاری کوششیں ظاہر ہو تی ہیں