قراقرم یونیورسٹی میں فوڈ گالا کا انعقاد

جمعرات 30 نومبر 2023 23:14

گلگت (اُردو پوائنٹ اخبارتازہ ترین - اے پی پی۔ 30 نومبر2023ء) قراقرم انٹرنیشنل یونیورسٹی (کے آئی یو) مین کیمپس گلگت میں فوڈ گالا کا انعقاد کیا گیاہے۔ بزنس مینجمنٹ ڈیپارٹمنٹ اوربزنس انکوبیشن سینٹر کے اشتراک سے منعقد میلے میں 60 سے زائد سٹال لگائے گئے ہیں، مخلتف ڈیپارٹمنٹس کے سٹوڈنٹس نے اپنے بزنس ائیڈیاز اور پروڈکٹس کو پریزنٹ کیا۔ مہمان خصوصی وائس چانسلر ڈاکٹر عطاء اللہ شاہ نے سٹالز کا دورہ کیا اور بہترین پروڈکٹ اور آئیڈیاز پیش کرنے والے سٹوڈنٹس سے مستقبل میں ہاہمی اشتراک سے کام کرنے اور ان کو سپورٹ کرنے کا اعلان کیا۔

سٹوڈنٹس نے مختلف لوکل پروڈکٹس کو بزنس ائیڈیاز میں کنورٹ کرنے کے حوالے سے اپنے پروڈکٹس کی پریزنٹیشنز دیں، علاقائی آرگینک فوڈز، روایتی کھانے ،ہینڈی کرافٹس، جڑی بوٹیوں پر مبنی لوکل پروڈکٹس اور دیگر سٹالز طلباء و طالبات کے توجہ کے مرکز رہے۔

(جاری ہے)

گالا کے آرگنائزر کلیم اللہ ڈار کے مطابق طلبہ و طالبات کو تدریسی عمل تھیوری پڑھانے کے علاوہ عملی زندگی میں جانے سے پہلے تجربات سے مزین کرنے کے لیے اس گالا کا اہتمام کیا گیا ہے۔

گالہ کے منتظم نے کہا کہ جاری سمسٹر کے اندر بہت سارے ڈیپارٹمنٹس میں انٹرپرنیورشپ کے سبجیکٹ کو آفر کیا گیا تھا اور ان طلبہ نے اپنا کورس ورک مکمل کیا اور بطور فائنل پروجیکٹ انہوں نے مختلف ائیڈیازشیئر کیے۔شعبہ تعلقات عامہ کے جاری پریس ریلیز کے مطابق مختلف سٹالز پر طلبہ و طالبات فیکلٹی اور انتظامیہ کے لوگوں کی بڑی تعداد نظر ائی جنہوں نے روایتی کھانوں فاسٹ فوڈ،ہینڈی کرافٹ اور ارگینک فروٹس کے ذریعے بنائے جانے والے لوکل جام، کی پروڈکٹ کو نہ صرف سراہا بلکہ بڑی تعداد میں خرید و فروخت میں بھی مصروف نظر آئے۔

وائس چانسلر نے کامیاب میلے کے انعقاد پر بزنس مینجمنٹ کے چیئرمین ڈاکٹر ضیغم،ڈائریکٹر(بی آئی سی)محفوظ اللہ ڈار کا شکریہ ادا کی اور کہا ایسے پروگرام سے کے آئی کا مثبت چہرہ سامنے آنےمیں مدد ملے گی جس سے یونیورسٹی میں درس تدریس کے علاؤہ غیر نصابی سرگرمیوں کو بھی فروغ ملے گا جو مستقبل میں کے آئی کے طلباء اور طالبات کے معاون ثابت ہوگا۔

Facebook Twitter Google + Share on Whatsapp

قراقرم یونیورسٹی میں فوڈ گالا کا انعقاد

متعلقہ عنوان :

مزید تعلیم کی خبریں