بجلی بلوںکی عدم ادائیگی پر صوبہ بھر میں نادہندگان کی248 کنکشنز منقطع ،کوئٹہ شہر سی106شنٹ اور ٹیمپرڈمیٹرز اُتاردئیے

کوئٹہ(اُردو پوائنٹ اخبارتازہ ترین - این این آئی۔ 01 دسمبر2023ء) وزارت توانائی(پاور ڈویژن) کی خصوصی ہدایات پر کوئٹہ الیکٹرک سپلائی کمپنی(کیسکو)کی ٹیمیں تمام آپریشن سرکلز میں نادہندگان اوربجلی چوروں کیخلاف بلاتفریق کاروائیاں کررہی ہے اوراس سلسلے میں جمعہ کے روزبھی صوبائی دارالحکومت کوئٹہ سمیت تمام کیسکوآپریشن سرکلز میں بڑے پیمانے پرکارروائیاں عمل میں لائی گئیں جس کے دوران کیسکوٹیموںنے کوئٹہ شہر میںارباب کرم خان روڈ،کلی دیبہ،کلی اسماعیل ، نواںکلی، سرہ غوڑگئی،عمرروڈ، چشمہ ،بلیلی باچاآغا،غوث آباد، جان محمدروڈ،تختانی بائی پاس اور موسیٰ کالونی کے علاقوں میں کارروائی کرتے ہوئے 106 شنٹ اور ٹیمپرڈ میٹروں کو اُتارکر تبدیل کردئیے گئے،نیز اس دوران کیسکوسٹی ، زرغون اور سریاب ڈویژن کے تحت مختلف علاقوں میں کیسکوٹیموںنے گھریلو اور کمرشل نادہندگان سے بقایاجات کی مدمیں82 لاکھ27ہزارروپے کی ریکوری عمل میں لائی گئی جبکہ کوئٹہ شہرکے مختلف علاقوں سے کارروائی کے دوران ڈٹیکشن کی مدمیں16لاکھ15ہزار روپے جرمانہ بھی وصول کئے گئے۔

(جاری ہے)

اس کے علاوہ اسی طرح پشین سرکل نے بھی نادہندگان کے خلاف کارروائی کرتے ہوئی42گھریلواور کمرشل نادہندہ صارفین کے کنکشنزبلوں کی عدم ادائیگی پر منقطع کردئیے نیز کیسکوٹیموں کی جانب سے سرکل کے مختلف علاقوں میں کارروائی کے دوران نادہندگان سے بقایاجات کی مدمیں22لاکھ16ہزارروپے ریکوری عمل میں لائی گئی جبکہ ڈٹیکشن کی مدمیں بھی 3لاکھ20ہزارروپے وصول کئے گئے۔

اسی طرح کیسکولورالائی سرکل نے بھی نادہندگان کے خلاف کارروائی کرتے ہوئے سرکل کے مختلف علاقوں سے بلوںکی عدم ادائیگی پر نادہندگان کی49کنکشنز منقطع کرنے کے علاوہ نادہندہ صارفین سے بقایاجات کی مدمیں 21لاکھ43ہزارروپے ریکوری کی گئی جبکہ ڈٹیکشن کی مدمیں بھی2لاکھ77 ہزارروپے وصول کئے گئے۔علاوہ ازیں کیسکوسبی سرکل میں کارروائی کے دوران ٹیموںنے 51گھریلو اور کمرشل نادہندگان کے کنکشنز منقطع کرنے کے علاوہ نادہندگان سے بقایاجات کی مدمیں19لاکھ روپے ریکوری جبکہ ڈٹیکشن کی مدمیں بھی کیسکوٹیموں نے 3لاکھ27 ہزارروپے وصول کرلئے۔

مکران سرکل کی ٹیموںنے تربت، گوادر اور پنجگور میں کارروائی کرتے ہوئی28نادہندگان کے کنکشنز منقطع کردئیے جبکہ بلوںکے بقایاجات کی مدمیں 11لاکھ 54ہزار روپے وصول کرلئے۔اس کے علاوہ خضدارسرکل کی ٹیموں نے بھی کارروائی کے دوران نادہندگان کے 78کنکشنز بلوںکی عدم ادائیگی پر منقطع کردئیے گئے جبکہ کارروائی کے دوران مختلف گھریلواور کمرشل نادہندہ صارفین سے بقایاجات کی مدمیں 25لاکھ روپے کی ریکوری عمل میں لائی گئی جبکہ کارروائی کے دوران ڈٹیکشن کی مدمیں4 لاکھ30ہزار روپے بھی وصول کئے گئے۔

واضح رہے کہ وزارت توانائی (پاور ڈویژن) کے احکامات پر کیسکو ٹیمیں بجلی چوروں اورنادہندگان کے خلاف بلاتفریق کارروائیاں کررہی ہے۔ لہٰذاکیسکونے اپنے تمام صارفین سے اپیل کی ہے کہ وہ بجلی کے بلوں کی ادائیگی کے ساتھ ساتھ بقایاجات بھی اداکریں نیز تمام صارفین بجلی کے غیر قانونی استعمال سے اجنتاب کریں اوربجلی چوروں کے خلاف قومی مہم میں کیسکوکا ساتھ دیں۔