اسد شفیق کو سلیکٹر اور کنسلٹنٹ بنانے کا فیصلہ

نیوزی لینڈ کے خلاف ٹی ٹوئنٹی سیریز میں توصیف احمد اور وہاب ریاض کی معاونت کریں گے

ہفتہ 2 دسمبر 2023 22:23

لاہور (اُردو پوائنٹ اخبارتازہ ترین - این این آئی۔ 02 دسمبر2023ء) کرکٹر اسد شفیق کو سلیکٹر اور کنسلٹنٹ بنانے کا فیصلہ کرلیا گیا ۔ پی سی بی ذرائع کے مطابق اسد شفیق پہلی بار سلیکشن کمیٹی کا حصہ بنیں گے اور وہ نیوزی لینڈ کے خلاف ٹی ٹوئنٹی سیریز میں توصیف احمد اور وہاب ریاض کی معاونت کریں گے۔

(جاری ہے)

اسد شفیق یکم جنوری سے ذمے داریاں سنبھالیں گے اور وہ کامران اکمل، سلمان بٹ اور را افتخار کے ساتھ کام کریں گے۔ذرائع کے مطابق اسد شفیق اگلے چند دن میں اپنی دستیابی سے آگاہ کریں گے، وہ اس وقت قومی ٹی ٹوئنٹی ٹورنامنٹ میں شرکت کر رہے ہیں۔واضح رہے کہ اسد شفیق 4 سال سے پاکستان ٹیم سے باہر ہیں۔