تبو نے اپنے پاکستانی والد سے متعلق خبروں پر خاموشی توڑ دی

ہفتہ 2 دسمبر 2023 22:50

ممبئی (اُردو پوائنٹ اخبارتازہ ترین - آن لائن۔ 02 دسمبر2023ء) بھارتی فلم انڈسٹری میں اپنی جاندار اداکاری کے باعث شہرت پانے والی بالی ووڈ اداکارہ تبونے پہلی بار اپنے پاکستانی Y والد کے بارے میں بات کی۔مختلف بھارتی ویب سائٹس کے ذریعے یہ خبر سامنے آئی تھی کہ تبو پاکستانی اداکار کی بیٹی ہیں لیکن اس حوالے سے اداکارہ نے کبھی کوئی وضاحت نہیں دی تھی، تاہم اب حال ہی میں اپنے ایک انٹرویو میں اٴْنہوں نے اس حوالے سے کٴْھل کر بات کی۔

(جاری ہے)

اپنے پاکستانی والد کے بارے میں بات کرتے ہوئے کہا کہ میں جب تین سال کی تھی تو میرے والدین کے درمیان طلاق ہوگئی تھی اور میں نے کبھی اپنے والد کو نہیں دیکھا۔ تبو نے کہا کہ میری والدہ سے طلاق کے بعد والد نے دوسری شادی کرلی تھی، میں کبھی اپنے والد سے نہیں ملی لیکن میری بڑی بہن فرح ناز والد سے بہت بار ملی ہیں۔ اداکارہ نے کہا کہ میرا پیدائشی نام تبسم فاطمہ ہاشمی تھا لیکن میں نے کبھی اپنے نام کے سا تھ ‘ہاشمی استعمال نہیں کیا جبکہ میری پرورش میرے نانا نانی اور والدہ نے کی ۔ اٴْنہوں نے مزید کہا کہ میرے والد اپنے زمانے میں پاکستانی سینما کے جانے پہچانے نام تھے ۔