فریال تالپور کی سندھ سمیت پورے ملک کے عوام کو یومِ ثقافت سندھ پر مبارکباد

سندھی ٹوپی، اجرک، آرٹ اور سندھی زبان کی ایک الگ پہچان ہے،صدر پیپلزپارٹی شعبہ خواتین کایوم ثقافت سندھ پیغام

اتوار 3 دسمبر 2023 16:05

کراچی(اُردو پوائنٹ اخبارتازہ ترین - این این آئی۔ 03 دسمبر2023ء) پاکستان پیپلزپارٹی شعبہ خواتین کی مرکزی صدر فریال تالپور نے سندھ سمیت پورے ملک کے عوام کو یومِ ثقافت سندھ پر مبارکباد دی۔

(جاری ہے)

فریال تالپور نے یومِ ثقافت سندھ پر اپنے پیغام میں کہا کہ وادیِ مہران کی ثقافت 5 ہزارسال قدیم اور عظیم تہذیب کی آئینہ دار ہے، سندھی ٹوپی، اجرک، آرٹ اور سندھی زبان کی ایک الگ پہچان ہے۔انہوں نے کہا کہ پاکستان بے مثال ثقافتی میراث سے مالا مال سر زمین ہے، پاکستان کے اس عظیم میراث کو قائم ودائم رکھنے اور اسے اجاگر کرنے کیلئے ہم سب کو اپنا کردار ادا کرنا ہوگا، میڈیا کو پاکستان کے تمام ثقافتوں کو اجاگر کرنے میں اپنا قائدانہ کردار ادا کرنا چاہیے۔