نواز شریف جب جب اقتدار میں آئے مہنگائی کا خاتمہ کیا،رانا مبشر اقبال

میاں نوازشریف کی وطن واپسی سے پار ٹی کارکن ہر طر ف متحرک ہو گئے ہیں،سابق وفاقی وزیرکاخطاب

اتوار 3 دسمبر 2023 16:45

لاہور(اُردو پوائنٹ اخبارتازہ ترین - این این آئی۔ 03 دسمبر2023ء) شہباز شریف نے ملک کو ڈیفالٹ ہونے سے بچایا، نواز شریف مریم نواز، حمزہ شہباز سمیت سب نے میرٹ پر ضمانتیں کرائیں۔ان خیالات کا اظہارسابق وفاقی وزیر رانا مبشر اقبال نے راناراشد ،چیئرمین کاہنہ تنویر خان کے ہمراہ ڈیرے پر حلقہ سے آئی عوام الناس کی کثیر تعداد سے خطاب کرتے ہوئے کیا۔

(جاری ہے)

انہوں نے کہ نواز شریف جب جب اقتدار میں آئے مہنگائی کا خاتمہ کیا، نواز شریف کی حکومت ختم ہوئی تو لوڈ شیڈنگ ختم تھی۔انہوںنے کہاکہ نواز شریف عوام کے دکھوں کا مداوا ہے، نواز شریف کے بغیر ملک کو اندھیروں سے نہیں نکالا جا سکتا ہے، نواز شریف پر لوگوں کا اعتبار ہے۔رانا مبشراقبال نے کہاکہ میاں نوازشریف کی وطن واپسی سے پار ٹی کارکن ہر طر ف متحرک ہو گئے ہیں انشا ء اللہ عام انتخابات میں مسلم لیگ(ن) میاں نوازشریف کی قیادت میں پورے ملک میں وا ضح اکثر یت سے کامیا بی حا صل کرے گی ۔