سابق چیئرمین پی ٹی آئی کی توشہ خانہ کیس میں ضمانت کی درخواست میں وکیل کی عدم دستیابی کے باعث سماعت بغیر کارروائی ملتوی

جمعرات 7 دسمبر 2023 21:20

اسلام آباد (اُردو پوائنٹ اخبارتازہ ترین - اے پی پی۔ 07 دسمبر2023ء) احتساب عدالت کے جج محمد بشیر کی عدالت نے نیب کی جانب سے جلد سماعت کی متفرق درخواست منظوری کے بعد اڈیالہ جیل میں سابق چیئرمین پی ٹی آئی کی توشہ خانہ کیس میں ضمانت کی درخواست میں وکیل کی عدم دستیابی کے باعث سماعت بغیر کارروائی ملتوی کر دی۔

(جاری ہے)

جمعرات کو اڈیالہ جیل میں چیئرمین پی ٹی آئی کی توشہ خانہ کیس میں درخواست ضمانت پر سماعت کے دوران ڈپٹی پراسیکیوٹر جنرل نیب سردار مظفر عباسی، پراسیکیوٹر عمر خان،ڈپٹی ڈائریکٹر وقارالحسن اور محسن ہارون عدالت کے روبرو پیش ہوئے اور سابق چیئرمین پی ٹی آئی کی درخواست ضمانت خارج کرنے کی استدعا کی،سابق چیئرمین پی ٹی آئی کے وکیل لطیف کھوسہ پیش نہ ہوسکے، بابر اعوان ایڈووکیٹ، انتظار حیدر پنجوتھہ ایڈووکیٹ عدالت میں پیش ہوئے اور بتایاکہ لطیف کھوسہ اہلیہ کی علالت کے باعث عدالت پیش نہیں ہوسکے۔