زراعت و ٹیکنالوجی میں خواتین کو آگے لانیکی کوشش کر رہے ہیں، عمرسیف

جمعہ 8 دسمبر 2023 22:54

اسلام آباد (اُردو پوائنٹ اخبارتازہ ترین - آن لائن۔ 08 دسمبر2023ء) نگراں وزیر آئی ٹی ڈاکٹر عمر سیف نے کہا ہے کہ زراعت اور ٹیکنالوجی کے شعبے میں خواتین کو آگے لانیکی کوشش کر رہے ہیں کیونکہ جن فیصلوں میں خواتین کی شمولیت ہو ان کے غلط ہونے کے امکانات کم ہوتے ہیں۔

(جاری ہے)

خواتین سے متعلق سیمینار سے خطاب کرتے ہو ئے ڈاکٹر عمر سیف نے کہا کہ میں جب بھی کام کرتا ہوں کوشش ہوتی ہے کہ فیصلہ سازی میں خواتین بھی ہوں کیونکہ فیصلہ سازوں میں خواتین ہوں گی تو میرٹ پر کام ہو گا۔

اٴْنہوں نے کہا کہ دیہی علاقوں میں سارے کام خواتین ہی کرتی ہیں، دیہی خواتین کو بااختیار بنا کر ہی ملک کو ترقی کی راہ پر گامزن کیا جا سکتا ہے۔نگراں وزیرِ ٓائی ٹی نے کہا کہ ابھی تو کرکٹ کے میدان میں بھی پاکستانی مردوں کی ٹیم خواتین کے مقابلے میں اچھا نہیں کھیل رہی۔اٴْنہوں نے مزید کہا کہ بے نظیر انکم سپورٹ پروگرام کے تحت بھی خواتین کو با اختیار بنایا گیا امید ہے کہ حکومتی پالیسیوں میں خواتیں کو سپورٹ کیا جائے گا۔