(سپورٹس نیوز )

ج*آل خیبر پختونخوا فل کنٹکٹ کراٹے چیمپئن ٹرافی ہیڈ کوارٹر TVC نے جیت لی ٴہری پور نے دوسری، سرفراز سنٹر نے تیسری پوزیشن حاصل کی میئر پشاور زبیر علی نے انعامات تقسیم کئے

اتوار 10 دسمبر 2023 18:10

g پشاور(اُردو پوائنٹ اخبارتازہ ترین - آن لائن۔ 10 دسمبر2023ء) آل خیبر پختونخوا فل کنٹکٹ کراٹے چیمپئن ٹرافی ہیڈ کوارٹر TVC نے جیت لی،ہری پور نے دوسری، سرفراز سنٹر نے تیسری پوزیشن حاصل کی میئر پشاور زبیر علی نے انعامات تقسیم کئے،خیبر پختونخوا فل کنٹکٹ کراٹے ایسوسی ایشن(شن کیوکشنکائی)کے زیر اہتمام گورنمنٹ TVC گلبہار پشاور میں آل خیبر پختونخوا فل کنٹکٹ کراٹے چیمپئن شپ کے مقابلے اختتام پزیر ہوگئے جس میں صوبے کے مختلف اضلاع سے ٹیموں نے حصہ لیا۔

مقابلے چار ویٹ کٹیگری میں منعقد ہوئے 45 کلو گرام میں ہیڈ کوارٹر TVC کے سجاد حسین۔ 55کلو گرام میں ہری پور کے اول خان 65 کلو گرام میں مندنی ہری چند کے کامران خان اوپن ویٹ میں ہیڈ کوارٹر TVC کے حمزہ خان چیمپئن قرار پائیں۔انٹرنیشنل ریفری صاحبزادہ الہادی نے سپر یم جج کے فرآئض انجام دیئے۔

(جاری ہے)

کیپیٹل سٹی گورنمنٹ پشاور کے میئر حاجی زبیر علی تقریب کے مہمان خصوصی تھے انکے ہمراہ سابق صوبائی وزیر مولانا امان اللہ حقانی اور صوبائی اسویسی ایشن کے سینئر نائب صدر شاہد درانی بھی موجود تھے حاجی زبیر علی نے کامیاب کھلاڑیوں میں انعامات تقسیم کئے تقریب سے خطاب کرتے ہوئے زبیر علی نے بتایا کہ نوجوان کھلاڑی ہمارے ملک کا سرمایہ ھے انکو تمام تر سہولیات فراہم کرنے کیلئے بھر پور اقدامات کررھے ہیں۔

انہوں نے فل کنٹکٹ کراٹے ایسوسی ایشن کے کاوشوں کو سراہا اور انکے لئے ایک علیحدہ اکیڈمی قائم کرنے،سامان اور مالی امداد فراہم کرنیکا بھی اعلان کیا۔