لاکھوں ڈالر کی گمشدہ انگوٹھی ویکیوم کلینر کے تھیلے سے مل گئی

انگوٹھی کوحفاظت کیلئے خاتون کے واپس آنے تک پولیس کے حوالے کر دیا گیا

ہفتہ 16 دسمبر 2023 15:10

لاکھوں ڈالر کی گمشدہ انگوٹھی ویکیوم کلینر کے تھیلے سے مل گئی

پیرس(اُردو پوائنٹ اخبارتازہ ترین - این این آئی۔ 16 دسمبر2023ء) فرانس کے ایک ہوٹل سے گم ہونے والی ہیرے کی انگوٹھی ویکیوم کلینر کے ایک تھیلے سے مل گئی۔غیرملکی خبررساں ادارے کے مطابق ملائیشیا سے تعلق رکھنے والی کاروباری خاتون نے پیرس پولیس کو لکھوائی جانے والی رپورٹ میں بتایا کہ ان کی انگوٹھی ان کے کمرے کی میز سے اس وقت غائب ہوئی جب وہ خریداری کیلئے باہر گئی ہوئیں تھیں۔

(جاری ہے)

خاتون کو شک تھا کہ وہ انگوٹھی ہوٹل کے کسی ملازم نے اٹھائی ہے، انگوٹھی کی مالیت 8 لاکھ ڈالرزہے۔ہوٹل رِٹز کی انتظامیہ کے مطابق ہوٹل ملازمین نے گمشدہ انگوٹھی کیلئے تلاش شروع کی اور سکیورٹی گارڈز نے یہ انگوٹھی صفائی کرنے والے عملے کے زیر استعمال ویکیوم کلینر کے تھیلے سے برآمد کی۔انگوٹھی کو ملنے کے بعد حفاظت کیلئے خاتون کے واپس آنے تک پولیس کے حوالے کر دیا گیا۔