بھارتی شہری نے ایک کروڑ سے زائد کا کھانا آرڈرپر منگوایا

ہفتہ 16 دسمبر 2023 15:10

ممبئی(اُردو پوائنٹ اخبارتازہ ترین - این این آئی۔ 16 دسمبر2023ء) بھارتی شہری نے سال 2023 میں ایک کروڑ سے زائد مالیت کا کھانا آرڈر کیا۔بھارتی میڈیا رپورٹس کے مطابق بھارت کے شہر ممبئی کے ایک رہائشی نے 2023 میں پاکستانی 1 کروڑ 43 لاکھ روپے سے زائد مالیت کا کھانا آن لائن منگوایا۔

(جاری ہے)

فوڈ ڈیلیوری سروس نے سالانہ رپورٹ جاری کی جس کا مقصد بھارت میں کھانوں کے رجحان اور ترجیحات معلوم کرنا تھا، کھانا ڈیلیور کرنے والی سروس اپنی سالانہ رپورٹ کا جائزہ کر کے خود دنگ رہ گئی۔

فوڈ ڈیلیوری سروس کے مطابق ممبئی کے 1 صارف نے پورے سال میں بھارتی مالیت کے مطابق 42.3 لاکھ روپی(یعنی 1 کروڑ 43 لاکھ سے زائد پاکستانی روپی)کے کھانے کے آرڈرز دیئے۔فوڈ ڈیلیوری سروس کی سالانہ رپورٹس کے مطابق انہیں سب سے زیادہ آرڈر بریانی کے موصول ہوئے جبکہ کیک، گلاب جامن اور پیزا کی ڈیمانڈ بھی زیادہ رہی۔