شاہ محمود سمیت کئی پی ٹی آئی رہنماؤں کے کاغذات نامزدگی منظور

جمعہ 5 جنوری 2024 17:50

ملتان (اُردو پوائنٹ اخبارتازہ ترین - این این آئی۔ 05 جنوری2024ء) تحریک انصاف کے رہنما شاہ محمود قریشی کے قومی اسمبلی کے حلقہ این اے 214 عمر کوٹ سے کاغذاتِ نامزدگی منظور کرلیے گئے۔

(جاری ہے)

الیکشن ٹربیونل میں ریٹرننگ افسر کے فیصلوں کے خلاف امیدواروں کی اپیلوں پر سماعت کے دور ا ن این اے 214 سے زین قریشی کے بھی کاغذات نامزدگی منظور کر لیے گئے جبکہ الیکشن ٹربیونل نے این اے 238 سے پی ٹی ا?ئی رہنما حلیم عادل کو بھی الیکشن لڑنے کی اجازت دے دی۔

علاوہ ازیں این اے 241 سے پی ٹی آئی امیدوار ارسلان خالد کی اپیل بھی منظور کرلی گئی اور ٹربیونل نے انہیں الیکشن میں حصہ لینے کی اجازت دے دی۔دوسری جانب خیبرپختونخوا سے بھی تحریک انصاف کے امیدوار کے کاغذاتِ نامزدگی منظور کرلیے گئے۔اپیلیٹ ٹربیونل میں پی ٹی آئی امیدوار میاں محمد عمر کی اپیل کی سماعت ہوئی۔میاں عمر صوبائی اسمبلی کے حلقہ پی کے 88 نوشہرہ سے پی ٹی آئی کے امیدوار ہیں۔