عام انتخابات 2024، جے یو آئی کاپنجاب سے قومی اسمبلی اور صوبائی کے امیدواروں کا اعلان

ہفتہ 6 جنوری 2024 21:30

لاہور (اُردو پوائنٹ اخبارتازہ ترین - اے پی پی۔ 06 جنوری2024ء) جے یو آئی نے پنجاب سے قومی اسمبلی کے53 اور صوبائی اسمبلی کے 138 امیدواروں کا اعلان کردیا ۔

(جاری ہے)

صوبائی ترجمان جے یو آئی کے مطابق پی پی 171 لاہور سے صوبائی سیکرٹری جنرل حافظ نصیر احمد احرار ،این اے 128 لاہور سے حافظ غضنفر عزیز، این اے 92سے مولانا صفی اللہ ،این اے 56 اور پی پی 16سے ضیا الرحمن امازئی، این اے 82 سے رانا عبدالقیوم ،این اے 130 سے سلیم اللہ قادری ،این اے 175سے عبدالودود،این اے 148 سے سجاد وینس، این اے 165, 167, 168اور پی پی 254 سے محمد صفدر شہباز ،این اے 118 اور پی پی 148 سے محمد افضل خان، این اے 166سے سیف الرحمن راشدی امیدوار ہوں گے ۔

حافظ غضنفر عزیز کے مطابق این اے 183 تونسہ سے خواجہ مدثر محمود تونسوی اور پی پی 1اٹک سے قاری ابراہیم ،این اے 176 اور پی پی 273سے مولانا یحیی عباسی، پی پی 288 سے مولانا مدثر عرفان پی پی 272سے عبداللہ فہد لنگڑیال جبکہ پی پی 258سے مولانا ضیا الرحمن درخواستی امیدوار ہوں گے۔ جنرل نشستوں پر6 خواتین جبکہ مخصوص نشستوں پر تین خواتین امیدواروں کو بھی ٹکٹ جاری کردئیے گئے ہیں۔