Live Updates

ضلع رحیم یارخان میں مسلم لیگ ن کلین سویپ کرے گی،میاں امتیازاحمد

ہفتہ 20 جنوری 2024 18:56

رحیم یارخان (اُردو پوائنٹ اخبارتازہ ترین - اے پی پی۔ 20 جنوری2024ء) پاکستان مسلم لیگ (ن) عوامی خوشحالی اور ترقی کا ایجنڈا لیکر انتخابی میدان میں اتری ہے‘ عمرانی ٹولہ نے 4سالہ اقتدار میں ملک کی ترقی وخوشحالی کو تباہ وبرباد کیا‘ پاکستان کے کروڑوں عوام عمران خان کی نااہلی اور نالائقی کاخمیازہ آج تک بھگت رہے ہیں‘ ضلع رحیم یارخان مسلم لیگ(ن) کا گڑھ ہے‘8فروری کو ملک بھر کی طرح ضلع سے مسلم لیگ (ن) کلین سویپ کرے گی۔

ان خیالات کااظہار مسلم لیگ (ن) کے امیدوار قومی اسمبلی حلقہ این اے 172 میاں امتیازاحمد اور امیدوار صوبائی اسمبلی حلقہ پی پی 263چوہدری محمودالحسن چیمہ نے انتخابی مہم کے سلسلہ میں چک 81پی میں میزبان سابق چیئرمین یونین کونسل 100پی اطہربپڑ کی جانب سے منعقدہ عوامی اجتماع سے خطاب کرتے ہوئے کیا۔

(جاری ہے)

میاں امتیازاحمد نے کہا کہ انہوں نے اپنے گذشتہ دور میں 20ارب روپے کے ترقیاتی منصوبوں سے پورے حلقہ میں عوام کودرپیش دیرینہ مسائل حل کئے‘ گرلز وبوائز ڈگری کالجز‘ خواجہ فریدیونیورسٹی‘ فلائی اوور سمیت پورے حلقہ میں کارپٹ روڈز اورگلی محلے کی سطح پر ترقیاتی کروائے گئے‘عوام نے خدمت کا موقع دیا تو انشاء اللہ ترقی کے سفر کو وہیں سے شروع کریں گے جہاں 2018ء میں رکا تھا۔

انہوں نے کہا کہ الزامات کی سیاست کرنے والے عوام کے دلوں سے میاں محمدنواز شریف کی محبت ختم نہیں کرسکتے‘ مسلم لیگ (ن) کی سیاست کا محور ومرکز عوامی خدمت ہے‘ ن لیگ نے ہمیشہ عوام کی فلاح وبہبود‘ ملکی ترقی وخوشحالی اور جمہوریت وجمہوری اداروں کی مضبوطی کیلئے اپنا کردار ادا کیا ہے اور اب بھی عوام عام انتخابات میں دوتہائی اکثریت سے کامیابی حاصل کرکے قائد عوام میاں نواز شریف کو چوتھی مرتبہ وزیراعظم بنائے گی۔اس موقع پر علاقہ کی سرکردہ شخصیات نے مسلم لیگ (ن) کے امیدواروں کی بھرپور حمایت کا اعلان کیا۔\378