سائفر کیس میں عمران خان اور شاہ محمود کو سزا ملنے کی مذمت کرتا ہوں،جاوید ہاشمی

منگل 30 جنوری 2024 21:21

اسلام آباد (اُردو پوائنٹ اخبارتازہ ترین - آن لائن۔ 30 جنوری2024ء) سینئر سیاستدان جاوید ہاشمی نے سابق وزیراعظم عمران خان اور سابق وزیر خارجہ شاہ محمود قریشی کو سائفر کیس میں سزا ملنے کی سخت مخالف کر دی۔ سائفر کیس میں پانی چیئرمین تحریک انصاف عمران خان اور سابق وزیر خارجہ شاہ محمود قریشی کو 10,10 سال قید کی سزا سنادی گئی، فیصلے سے پہلے کمرہ عدالت میں قائد پی ٹی آئی کا 342 کا بیان بھی ریکارڈ کیا گیا۔

(جاری ہے)

جاوید ہاشمی نے سماجی رابطے کی ویب سائٹ ایکس پر اپنے پیغام میں کہاکہ تحریک انصاف کی قیادت کے خلاف آج کا عدالتی فیصلہ انتخابات کے موجودہ حالات میں اس وقت آنا ملک کی سب سے بڑی سیاسی جماعت کے خلاف سازش ہے اور عوام کے ووٹ کے حق پر ڈاکہ مارنے کے مترادف ہے۔ انہوں نے کہا کہ میں مخدوم شاہ محمود قریشی اور عمران خان کے خلاف فیصلے کی سخت الفاظ میں مذمت کرتا ہوں۔یہ سب قانون اورآئین کی خلاف ورزی ہو رہی ہے اور ہر طرح کے انصاف کے اصولوں کیخلاف ہے۔آئینی تقاضے پورے کئے جائیں۔