جماعت اسلامی ووٹرز کیلئے بہترین چوائس ہے ‘ مشتاق احمد

پشاور(اُردو پوائنٹ اخبارتازہ ترین - این این آئی۔ 02 فروری2024ء) جماعت اسلامی این اے 29اور پی کی75 کے زیر اہتمام ایک عظیم الشان جلسہ عام کا انعقاد کیا گیا جس میں ہزاروں کی تعداد میں نوجوان،این اے 29 کے امیدوار جسٹس غلام محی الدین، امیدوار پی کے 75 صابر حسین اعوان اوردیگر مقررین نے خطاب کیا۔جلسہ عام سے خطاب کرتے ہوئے سینیٹر مشتاق احمد خان نے کہا کہ جماعت اسلامی ووٹرز کے لیے بہترین چوائس ھے ترازو نشان قومی امن استحکام خوشحال اور آئین و قانون کی حکمران کا نشان ہے۔

انہوں نے کہا کہ بجلی گیس بحران اور یوٹیلٹی بلوں میں ہولناک اضافہ عوام کے لیے ناقابل برداشت ہے مہنگائی کے نئے ریکارڈ بن رہے ہیں مہنگی بجلی کے ملک عوام دشمن معاہدوں کے ذمہ دار حکمران جماعتیں ہیں۔عوام کے لیے تعلیم علاج، تانہ کچہری روزگار کا حصول عذاب بنادیا گیا ہے۔

(جاری ہے)

عوام نااہل اور سیاست پر ناجائز قابض جماعتوں کو مسترد کردیں گے۔انہوں نے کہا کہ مہنگائی اور بے روزگاری کی وجہ سے لوگ خودکشی کرنے پر مجبور ہو گئے ہیں۔

آئے روز مہنگائی اور بے روزگاری سمجھ سے بالاتر ہے۔آٹا چینی خوراک کی اشیاء اور گیس بجلی کے بلوں میں اضافہ غریب عوام کے لیے خودکشی کے مترادف ہے۔ملک مسائل کے دلدل میں گرا ہوا ہے اس کا واحد حل صرف جماعت اسلامی ہے۔جلسہ سے مقررین نے خطاب کرتے ہوئے کہا کہ اگر عوام جماعت اسلامی کو ووٹ دے اور کرپٹ مافیا سے جان چھڑائے الیکشن میں کامیاب ہو کر نظام میں موجودہ وی آئی پی کلچر کا خاتمہ کریں گے۔ جماعت اسلامی اقتدار میں نہ ہوتے ہوئے بھی ہزاروں یتیم بچوں کی کفالت کر رہی ہے۔ جماعت اسلامی کامیاب ہو کر لٹیروں کے احتساب کو یقینی بنائیں گے۔