استحکام پاکستان پارٹی عوامی خدمت پر یقین رکھتی ہے،جہانگیر ترین

جمعہ 2 فروری 2024 23:50

ملتان (اُردو پوائنٹ اخبارتازہ ترین - اے پی پی۔ 02 فروری2024ء) استحکام پاکستان پارٹی کے سربراہ جہانگیر ترین نے اپنے انتخابی حلقہ این اے 149 میں حاجی فیاض بلوچ کی رہائشگاہ پر ورکروں سے خطاب کرتے ہوئے کہا ہے کہ انکی جماعت عوامی خدمت پر یقین رکھتی ہے۔

(جاری ہے)

انکا کہنا تھا کہ کامیابی کے بعد وہ ملتان اور لودھراں کو ترقیاتی منصوبوں کے حوالے سے ماڈل اضلاع بنائیں گے۔ جہانگیر ترین نے کہا کہ ملکی معیشت میں بہتری، بیروزگاری کا خاتمہ اور سرمایہ کاری کا فروغ ہمارے ترجیحی کام ہوں گے۔ جہانگیر ترین نے فیاض خان بلوچ کی پارٹی میں شمولیت، پاکستان بلوچ کونسل اور کسان اتحاد کیجانب سے استحکام پاکستان کے امیدواروں کی سپورٹ پر انکا شکریہ ادا کیا۔