Live Updates

بانی پی ٹی آئی کی انتخابات کے لیے کاغذات نامزدگی مستردہونے کے خلاف سپریم کورٹ میں دائر درخواست غیر موثر ہونے کاامکان

پیر 5 فروری 2024 21:15

اسلام آباد(اُردو پوائنٹ اخبارتازہ ترین - آن لائن۔ 05 فروری2024ء) بانی پی ٹی آئی کی جانب سے این اے 89 میانوالی اور این اے 122 لاہور سے انتخابات کے لیے کاغذات نامزدگی مستردہونے کے خلاف سپریم کورٹ میں دائر درخواست غیر موثر ہونے کاامکان ہے بانی پی ٹی آئی کومختلف مقدمات میں سزائیں سنائے جانے اور انتخابی عمل میں بہت کم وقت رہ جانے اور بانی پی ٹی آئی کوعام انتخابات میں نااہل قرار دیے جانے کے بعداس درخواست کی سماعت نہیں کی کی جاسکے گی اس لیے اس درخواست کے غیر موثر ہونے اور خارج ہونے کے ساتھ ساتھ واپس بھی لی جاسکتی ہے۔

واضح رہے کہ بانی پی ٹی آئی کی جانب سے دائراپیل میں موقف اپنایا گیاتھا۔ کہ آرٹیکل 63 (1) (H) کے تحت نااہلی کا نوٹی فکیشن درست نہیں، آرٹیکل 63 (1) (H) کے تحت نااہلی کے لیے اخلاقی جرم کا ہونا بھی ضروری ہے۔

(جاری ہے)

اپیل میں مزید کہا گیا ہے کہ توشہ خانہ کیس میں سزا اخلاقی بنیاد پر نہیں ہوئی، ریٹرننگ افسر، الیکشن ٹربیونل اور ہائی کورٹ کے فیصلے کالعدم قرار دیے جائیں۔ واضح رہے کہ بانی پاکستان تحریک انصاف (پی ٹی آئی) عمران خان کے لاہور اور میانوالی کے حلقوں سے کاغذات نامزدگی مسترد کر دیے گئے تھے۔ مسلم لیگ ن کے رہنما میاں نصیر نے کاغذات پر اعتراض کیا تھا کہ بانی پی ٹی آئی توشہ خانہ کیس میں نااہل ہیں اور ان کے تجویز و تائید کنندہ این اے 122 سے نہیں ہیں۔