پنجاب کے بیشتر شہروں میں موسم سرد و خشک،شمال مشرقی اضلاع میں ہلکی دھند پڑنے کا امکان ہے ،محکمہ موسمیات

بدھ 7 فروری 2024 23:00

لاہور (اُردو پوائنٹ اخبارتازہ ترین - اے پی پی۔ 07 فروری2024ء) محکمہ موسمیات نے پیشنگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہروں میں موسم شدیدسرد وخشک رہنے ،شما ل مشرقی علاقوں میں دھند پڑنے اور بالائی علاقوں سرد ہوائیں چلنے کا امکان ہے۔ترجمان محکمہ موسمیات کے مطابق آئندہ چوبیس گھنٹوں کے دوران صبح اور رات کے اوقات میں لاہور، سیالکوٹ، گوجرانوالہ،نارووال،سرگودھا، اوکاڑہ،فیصل آباد، ٹوبہ ٹیک سنگھ،جھنگ،خانیوال ،ملتان ، بہا ولپور ، ڈیرہ غا زی خان اور گر دو نواح میں ہلکی دھند پڑنے کاا مکان ہے ۔

گزشتہ روز سب سے زیادہ بارش بہاولپور سٹی 04، ایئر پورٹ 02 ، ملتان ایئر پورٹ 03، سٹی 01، ڈیرہ غازی خان 03، خانیوال ،رحیم یار خان میں 02 جبکہ کروڑ اورخانپور میں 1ملی میٹر بارش ریکارڈ کی گئی ، دیگر علاقوں میں دھند چھائی رہی۔

(جاری ہے)

ترجمان کے مطابق لاہور میں کم سے کم درجہ حرارت 07جبکہ زیادہ سے زیادہ 17سینٹی گریڈ ریکارڈ کیا گیا، ہوا میں نمی کا تناسب 55فیصد رہا،لا ہور میں آلودگی کی مجموعی شرح 139رہی،اسی طرح شہر کے دیگر علاقوں پو لو گراونڈ میں 153 ،فیز8 ایوی گرین 152،سی ای آر پی آفس153،سیدمراتب علی روڈ152،سید فدا حسین ہائوس 139، ،ذکی فارمز 159اورپاکستان انجینئرنگ سروسزمیں 153 ائیر کوالٹی انڈیکس ریکارڈ کیا گیا۔