آراوآفس کے پاس ٹارچرسیل بنایا گیا ہے، دانیال عزیزکی اہلیہ کا انکشاف

ہفتہ 10 فروری 2024 17:45

نارووال (اُردو پوائنٹ اخبارتازہ ترین - این این آئی۔ 10 فروری2024ء) الیکشن 2024 میں آزاد امیدوار کی حیثیت سے انتخاب لڑنے والے رہنما دانیال عزیز کی اہلیہ مہناز عزیز نے دعویٰ کیا ہے کہ آر او آفس کے پاس ٹارچر سیل بنایا گیا ہے، کافی پریذائیڈنگ آفیسرز اس ٹارچر سیل سے ہو کر آتے ہیں۔دانیال عزیز کی اہلیہ مہناز عزیز نے سوشل میڈیا پر ویڈیو بیان جاری کیا ہے جس میں وہ انتخابات میں دھاندلی کا دعویٰ کر رہی ہیں۔

(جاری ہے)

مہناز عزیز نے اپنے ویڈیو بیان میں کہاکہ ہم آر او آفس کا دروازہ کھٹکھٹاتے رہے، ہمیں اندر نہیں جانے دیا گیا، شام 7 سے رات ایک بجے تک ہمیں آر او آفس کے باہر رکھا گیا، رات 3 بجے کے بعد رزلٹ جمع کرنے کا عمل شروع کیا گیا۔مہناز عزیز نے کہا کہ این اے 75 کے 75 پولنگ اسٹیشن کا رزلٹ نہیں مل رہا، آرا و کا کہنا ہے عملہ سامان لے کر نہیں پہنچا، رزلٹ کہاں سے دیں، آر او کا کہنا ہے 75 پولنگ اسٹیشن کا رزلٹ ابھی تک ہمارے پاس نہیں پہنچا۔انہوں نے کہا کہ دانیال عزیز واضح برتری سیجیت چکے ہیں، ہم الیکشن کمیشن میں بھی جائیں گے، یہ الیکشن دھاندلی زدہ ہیں، کالعدم قرار دیا جانا چاہیے۔