این اے 151 میں میری لیڈ کو راتوں رات شکست میں بدلا گیا، مہربانوقریشی

ہفتہ 10 فروری 2024 18:45

ملتان (اُردو پوائنٹ اخبارتازہ ترین - این این آئی۔ 10 فروری2024ء) این اے 151 ملتان سے پی ٹی آئی کی حمایت یافتہ آزاد امیدوار مہر بانوقریشی نے کہا ہے کہ این اے 151 میں میری لیڈ کو راتوں رات شکست میں بدلا گیا، آئینی اور قانونی حق کی حفاظت کیلئے اب عدالت جاؤں گی۔

(جاری ہے)

تفصیلات کے مطابق این اے 151 ملتان سے مہر بانوقریشی دوبارہ گنتی کی درخواست لے کر آر او دفتر پہنچ گئیںاس موقع پر مہر بانو قریشی نے کہا کہ آر او صاحب ہیں نہ ہی کوئی درخواست موصول کرنے والا، این اے 151 میں میری لیڈ کو راتوں رات شکست میں بدلاگیا۔

انہوںنے کہاکہ یہ میرا آئینی اور قانونی حق ہے جس کیلئے میں پٹیشن لیکر آئی ہوں ، آر او صاحب اپنی قانونی ذمہ داری پوری کرنے کیلئے موجود ہی نہیں ، آئینی اور قانونی حق کی حفاظت کیلئے اب عدالت جاؤں گی۔