اسرائیل کا رفح میں زمینی آپریشن کا فیصلہ، برطانیہ، سعودیہ اورامارات سمیت کئی ممالک کی مذمت

پیر 12 فروری 2024 17:50

دبئی(اُردو پوائنٹ اخبارتازہ ترین - این این آئی۔ 12 فروری2024ء) اسرائیل نے شمالی غزہ اور خان یونس کے بعد رفح شہر میں بھی زمینی آپریشن کرنے کا فیصلہ کر لیا۔غیرملکی خبررساں ادارے کے مطابق برطانیہ، سعودی عرب، متحدہ عرب امارات، قطر اور لبنان نے اسرائیلی فیصلے کی شدید مذمت کرتے ہوئے اسے تباہ حال فلسطینیوں کی مزید تباہی کا اقدام قرار دیا ہے۔

(جاری ہے)

اسرائیلی فیصلے کے بعد حماس نے بھی خبردار کر دیا کہ اسرائیل کا رفح میں زمینی آپریشن یرغمالیوں کی رہائی بات چیت کو ختم کردے گا۔

اقوام متحدہ کے امدادی ادارے یونیسیف نے رفح میں زمینی آپریشن کے اسرائیلی منصوبے کو روکنے کا مطالبہ کرتے ہوئے کہا ہے کہ رفح میں پناہ لیے ہوئے فلسطینی پہلے ہی کئی بار بے گھر ہوچکے ہیں، ان کے پاس رفح سے آگے جانے کی کوئی جگہ نہیں۔