خانیوال سے ایک قومی اسمبلی، 2 آزاد امیدوار پنجاب اسمبلی کا ن لیگ میں شمولیت کا اعلان

این اے144 رضا حیات ہراج، پی پی205 اکبر حیات ہراج اور پی پی212 سے اصغر حیات ہراج ن لیگ میں شامل ہوئے، صدر ن لیگ شہبازشریف کا ان کی شمولیت کا خیرمقدم

ثنااللہ ناگرہ بدھ 14 فروری 2024 22:25

خانیوال سے ایک قومی اسمبلی، 2 آزاد امیدوار پنجاب اسمبلی کا ن لیگ میں ..

اسلام آباد ( اردوپوائنٹ اخبارتازہ ترین ۔ 14 فروری 2024ء) خانیوال سے ایک قومی اسمبلی اور 2 آزاد امیدوار پنجاب اسمبلی نے پاکستان مسلم لیگ ن میں شمولیت کا اعلان کردیا ہے۔ تفصیلات کے مطابق خانیوال سے آزاد ارکان اسمبلی رضا حیات ہراج پینل نے نامزد وزیراعظم اور پاکستان مسلم لیگ (ن) صدر شہباز شریف سے ملاقات کی۔ رضا حیات ہراج قومی اسمبلی کے حلقہ این اے144 خانیوال سے کامیاب ہوئے۔

پنجاب اسمبلی کے حلقہ پی پی 205 سے اکبر حیات ہراج اور پی پی 212 سے اصغر حیات ہراج نے انتخابات میں فتح حاصل کی۔ رضا حیات ہراج، اکبر حیات ہراج اور اصغر حیات ہراج نے قائد محمد نواز شریف پر مکمل اعتماد کا اظہار کیا اور پارٹی میں شمولیت کا اعلان کیا۔ شہباز شریف نے رضا حیات ہراج، اکبر حیات ہراج اور اصغر حیات ہراج کا مسلم لیگ (ن) میں شمولیت کا خیرمقدم کرتے ہوئے شکریہ ادا کیا۔

(جاری ہے)

آپ سب کا تعاون عوام کی مشکلات کے حل میں میں اہم ثابت ہوگا۔ شہبازشریف نے کہا کہ پاکستان کو معاشی خطرات سے بچانے اور قوم کو مزید بربادی سے بچانے کے ایجنڈے پر اتحادی حکومت بنا رہے ہیں۔ قوم کا مینڈیٹ ہے کہ سب مل کر پاکستان کی بہتری کے لئے کام کریں۔ رضا حیات ہراج، اکبر حیات ہراج اور اصغر حیات ہراج نے وزیر اعظم نامزد ہونے پر پارٹی صدر شہباز شریف کو مبارک دی۔

پارٹی راہنما عطاء اللہ تارڑ اور محترمہ انوشہ رحمان بھی ملاقات میں موجود تھے۔اسی طرح اس سے قبل پنجاب اسمبلی کی نشستوں پر کامیاب مزید 6 آزاد ارکان نے پاکستان مسلم لیگ ن میں شمولیت کا اعلان کیا ہے۔ ان آزاد ارکان نے پاکستان مسلم لیگ (ن) کی سینیئر نائب صدر اور وزیر اعلی پنجاب کی نامزد امیدوار مریم نواز شریف سے ملاقات میں پارٹی میں شمولیت کا اعلان کیا۔

پی پی 132 ننکانہ سے سلطان باجوہ، پی پی 225 لودھراں سے شازیہ ترین، پی پی 289 ڈیرہ غازی خان سے محمود قادر لغاری، پی پی 288 ڈیرہ غازی خان سے حنیف پتافی، پی پی 94 چنیوٹ سے تیمور لالی اور پی پی 283 لیہ سے علی اصغر گورمانی نے مسلم لیگ (ن) میں شمولیت کا اعلان کیا۔ مریم نوازشریف نے مسلم لیگ (ن) میں شمولیت پر نو منتخب ارکان پنجاب اسمبلی نے شکریہ ادا کیا اور ان کے فیصلے کا خیر مقدم کیا۔ نو منتخب ارکان پنجاب اسمبلی نے قائد محمد نواز شریف پر مکمل اعتماد کا اظہار کیا۔