iاے این پی کی کالم نگار اجمل خٹک کشر کی وفات پر تعزیت

ئ*مرحوم اجمل خٹک کشر باچا خان اور ولی خان نظریات وفکر کے پیروکار تھے، اسفندیار ولی

جمعرات 22 فروری 2024 20:35

ذ*پشاور(اُردو پوائنٹ اخبارتازہ ترین - آن لائن۔ 22 فروری2024ء) عوامی نیشنل پارٹی کے سربراہ اور مرکزی صدر اسفندیار ولی خان نے نامور صحافی، کالم نگار اور پختون سٹوڈنٹس فیڈریشن کے سابق صوبائی صدر اجمل خٹک کشر کی وفات پر گہرے دکھ اور افسوس کا اظہار کرتے ہوئے کہا ہے کہ مرحوم اجمل خٹک کشر باچا خان اور ولی خان کے نظریات اور فکر کے سچے پیروکار تھے۔

انہوں نے پشتون قومی تحریک کے سائے تلے سیاسی جدوجہد کا آغاز زمانہ طالبعلمی سے کیا تھا۔

(جاری ہے)

مرحوم آخری سانس تک قومی تحریک کے ساتھ ثابت قدمی سے کھڑے رہے۔ انہوں نے مزید کہا ہے کہ سیاسی جدوجہد کے ساتھ ساتھ انہوں نے قلم کے ذریعے بھی اپنی قوم کیلئے آواز اٹھائی۔صحافت اور کالم نگاری کے میدان میں بھی انکی خدمات کو ہمیشہ یاد رکھا جائے گا۔انکی وفات انکے اہل خانہ کے ساتھ پوری عوامی نیشنل پارٹی کیلئے بھی ایک صدمہ ہے۔ عوامی نیشنل پارٹی غم کی اس گھڑی میں انکے اہل خانہ کے ساتھ شریک ہے۔ اللہ تعالی مرحوم کے درجات بلند اور اہل خانہ کو صبر جمیل عطا فرمائے۔