پنجاب سے قومی اسمبلی کی خواتین کی مخصوص نشستوں پر امیدواروں کی کامیابی کا نوٹیفکیشن جاری

جمعہ 23 فروری 2024 18:04

اسلام آباد (اُردو پوائنٹ اخبارتازہ ترین - اے پی پی۔ 23 فروری2024ء) الیکشن کمیشن نے پنجاب سے قومی اسمبلی کی خواتین کی مخصوص نشستوں پر امیدواروں کی کامیابی کا نوٹیفکیشن جاری کر دیا، مسلم لیگ (ن) کو 17 نشستیں ملی ہیں۔

(جاری ہے)

الیکشن کمیشن کی جانب سے جمعہ کو جاری نوٹیفکیشن کے مطابق مسلم لیگ (ن) کی طاہرہ اورنگزیب، شائستہ پرویز، مریم اورنگزیب، نزہت صادق، مسرت آصف خواجہ، سیما معین الدین جمیلی، شزہ فاطمہ خواجہ، رومینہ خورشید عالم، وجیہہ قمر، زیب جعفر، کرن عمران، انوشہ رحمن خان، زہرہ ودود فاطمی، آسیہ ناز تنولی، صبا صادق، فرح ناز اکبر اور شہناز سلیم ملک جبکہ پاکستان پیپلز پارٹی کی حنا ربانی کھر، استحکام پاکستان پارٹی کی منزہ حسن اور پاکستان مسلم لیگ کی فرخ خان کامیاب قرار پائیں۔