منظور وسان نے صدرالدین شاہ کو خیرپور سے الیکشن لڑنے کا چیلنج دیدیا

ہفتہ 24 فروری 2024 22:41

کراچی (اُردو پوائنٹ اخبارتازہ ترین - آن لائن۔ 24 فروری2024ء) پیپلز پارٹی کے سینئر رہنما منظور وسان نے صدر الدین شاہ کو خیرپور کے کسی بھی حلقے سے الیکشن لڑنے کا چیلنج کر دیا۔سندھ اسمبلی کے باہر صحافیوں سے گفتگو کرتے ہوئے منظور وسان نے کہا کہ صدر الدین شاہ اور ان کا بیٹا میرے ساتھ خیرپور کے کسی بھی حلقے سے الیکشن لڑے۔

(جاری ہے)

انہوں نے کہا کہ جی ڈی اے کا احتجاج بلاوجہ ہے، دھاندلی کرتے ہیں، پھر احتجاج بھی کرتے ہیں، حالات کچھ صحیح نہیں ہیں، پی ٹی آئی نے اپنے پاؤں پر خود کلہاڑا مارا ہے۔

منظور وسان کا کہنا ہے کہ بانی پی ٹی آئی کا کوئی مستقبل نہیں، اندھیرا ہی اندھیرا ہے، سندھ میں پہلی بار پیپلز پارٹی اکثریت سے جیتی ہے، پیپلز پارٹی کے بغیر کوئی پارٹی مرکز میں حکومت نہیں بنا سکتی۔پیپلز پارٹی کے رہنما نے کہا کہ متحدہ ایسے ہی غصہ دکھاتی ہے، ویسے وہ ہمارے ساتھ ہیں۔#