پنجاب کے بیشتر شہر وں میں موسم سرد اورخشک رہنے تا ہم وسطی وجنوبی علاقوں میں آندھی/جھکڑ چلنے اور گرج چمک کے ساتھ بارش کا امکان ہے،ترجمان محکمہ موسمیات

بدھ 28 فروری 2024 22:56

لاہور (اُردو پوائنٹ اخبارتازہ ترین - اے پی پی۔ 28 فروری2024ء) محکمہ موسمیات کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہروں میں موسم سرد اور خشک رہنے تا ہم وسطی وجنوبی علاقوں میں آندھی/جھکڑ چلنے اور گرج چمک کے ساتھ بارش کا امکان ہے۔

(جاری ہے)

ترجمان محکمہ موسمیات کے مطابق گزشتہ روز پنجاب کے بیشتر علاقوں میں موسم سرد اور خشک رہا، لاہور میں کم سے کم درجہ حرارت 20جبکہ زیادہ سے زیادہ 26سینٹی گریڈ ریکارڈ کیا گیا، ہوا میں نمی کا تناسب 56فیصد رہا،لا ہور میں آلودگی کی مجموعی شرح 121ریکارڈ ہوئی،اسی طرح شہر کے دیگر علاقوں فیز8ڈی ایچ اے 136،فیز8ڈی ایوی گرین 160،بریڈ اینڈ بیائونڈ لاہور166،سید فدا حسین ہاوس 137،ذکی فارمز 164جبکہ لاہور امریکن سکول اور سید مراتب علی روڈ پر 127ائیر کوالٹی انڈیکس ریکارڈ کیا گیا۔