روس کا یوکرین کو لانگ رینج میزائل فراہم کرنے‘ کریمیا پل فضائی حملوں سے تباہ کرنے کی سازش پر جرمنی سے جواب فراہم کرنے کا مطالبہ
اعلی جرمن فوجی حکام کے درمیان ہونے والی گفتگو لیک پر ماسکو کا شدید ردعمل‘ سرکاری سطح پر جواب نہ دینے کو اعتراف جرم سمجھا جائے گا.ترجمان روسی وزارت خارجہ
میاں محمد ندیم ہفتہ 2 مارچ 2024 15:11
(جاری ہے)
روس کے نشریاتی ادارے”آرٹی“نے اس آڈیولیک کی تفصیلات جاری کی ہیں جن کے مطابق جرمنی کے اعلی فوجی حکام نے لانگ رینج ٹورس میزائلوں کی آپریشنل اور اہدف کو نشانہ بنانے کی تفصیلات پر تبادلہ خیال کیا جرمنی میں یوکرین کو یہ میزائل فراہم کرنے پر بحث چل رہی ہے تاہم مبینہ آڈیولیک سے سامنے آیا ہے کہ میزائلوں کی فراہمی پر پہلے ہی اتفاق ہو چکا ہے گفتگو میں سامنے آیا ہے کہ جرمنی براہ راست روس کے ساتھ تنازعے سے بچنے کے لیے میزائل یوکرین کو دینے کے لیے مختلف منصوبوں پر غور کررہا ہے جرمن فوجی حکام نے یوکرین کو میزائل اور ان کے استعمال کی تربیت فراہم کرنے کے ساتھ ساتھ ممکنہ طور پر پولینڈ کے راستے سیٹلائٹ کو نشانہ بنانے والی معلومات فراہم کرنے کے بارے میں بات کی.
آڈیوریکارڈنگ کے دوران ہونے والی گفتگو کا متن میں دعوی کیا گیا ہے یہ گفتگو جرمن فضائیہ کے سربراہ جنرل انگو گیرہارٹزاور ڈپٹی چیف آف اسٹاف برائے آپریشنز بریگیڈیئر جنرل فرینک گریفے کے درمیان ہوئی ہے روس نے ٹیلیگرام چینل پر جرمن زبان میں گفتگو کی آڈیو ریکارڈنگ بھی جاری کی ہے مبینہ طور پر لیک ہونے والی گفتگو میں کریمین پل پر حملہ کی بات کی گئی ہے اور کہا گیا ہے پل کی مضبوطی کی وجہ سے 20 میزائلوں سے بھی اسے تباہ کرنا مشکل ہے جبکہ برلن کیف کو 50 یا اس سے زیادہ میزائل فراہم کر سکتا ہے . ادھرروسی وزارت خارجہ کی ترجمان نے کہا ہے کہ ہم جرمنی سے مطالبہ کرتے ہیں کہ وہ اس معاملے کی سرکاری طور پر وضاحت کرئے انہوں نے کہا کہ سرکاری سطح پر جواب نہ دینے کو اعتراف جرم سمجھا جائے گا وزیر خارجہ سرگئی لاوروف نے کہا کہ ریکارڈنگ سے نیٹو کے عزائم ظاہرہوتے ہیں انہوں نے کہا کہ جرمن افسران بخوبی جانتے تھے کہ وہ براہ راست ملوث ہونے پر بات کر رہے ہیں انہوں نے کہا کہ لیک شدہ ریکارڈنگ میں یوکرین میں امریکی افواج کے ہونے کے بھی ٹھوس شواہد ملتے ہیں. ریکارڈنگ اور ٹرانسکرپٹ پرامریکی محکمہ دفاع پینٹاگون نے کوئی تبصرہ نہیں کیاتاہم محکمہ دفاع کے ترجمان نے صحافیوں سے کہا کہ وہ براہ راست جرمن فوج سے سوال کریں ”آرٹی“ہی کی ایک رپورٹ میں بتایا گیا ہے کہ جرمنی کے وفاقی دفتر برائے ملٹری کاﺅنٹر انٹیلی جنس نے اس بارے میں تحقیقات شروع کر دی ہیں کہ ریکارڈنگ کیسے لیک ہوئی.مزید اہم خبریں
-
اغواءکا ڈرامہ کر کے فیملی سے ایک کروڑ کامطالبہ کرنے والے نوجوان کو پولیس نے گرفتار کرلیا
-
آڈیو لیکس کیس، جسٹس بابر ستار کو سماعت سے روکنے کی متفرق درخواست دائر
-
وزیراعظم شہباز شریف کی ہدایت پرایف بی آر کے مزید36افسران کو تبدیل کر دیاگیا
-
پنجاب میں بارشوں کے امکان پر پیشگی حفاظتی اور ضروری انتظامی اقدامات کا حکم
-
حکومت کا غیرملکیوں کی سکیورٹی کیلئے سپیشل پروٹیکشن فورس بنانے کا فیصلہ
-
پی ڈی ایم 2حکومت آنے سے شریفوں کی معیشت ٹھیک ہوگی،علی امین گنڈا پور
-
پورے پاکستان میں ہم پر بے بنیاد مقدمات بنائے گئے ہیں،عمر ایوب
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.