صوبائی دارالحکومت سمیت دیگرشہر وں میں موسم سرد و خشک رہنے کا امکان ہے،محکمہ موسمیات

پیر 4 مارچ 2024 21:01

لاہور (اُردو پوائنٹ اخبارتازہ ترین - اے پی پی۔ 04 مارچ2024ء) محکمہ موسمیات نے پیش گوئی کی ہے کہ آئندہ 24 گھنٹوں کے دوران صوبائی دارالحکومت لاہور سمیت پنجاب کے بیشتر شہروں میں موسم سرد اور خشک رہنے کا امکان ہے تاہم بعض علاقوں میں مطلع جزوی طور پر ابرالود رہے گا۔

(جاری ہے)

محکمہ موسمیات کے ترجمان کے مطابق گزشتہ روز پنجاب کے بیشتر شہروں میں موسم سرد اورخشک رہا تاہم بعض علاقوں میں مطلع جزوی طور پر ابرالود رہا،لاہور میں کم سے کم درجہ حرارت 07 جبکہ زیادہ سے زیادہ 22 سینٹی گریڈ ریکارڈ کیا گیا،ہوا میں نمی کا تناسب 41 فیصد رہا،لا ہور میں آلودگی کی مجموعی شرح 96 رہی،اسی طرح شہر کے دیگر علاقوں فیز8 ایو ی گرین 105،جوہر ٹاون 105،ریو نیو سو سائٹی 127،فیز8 ڈی ایچ اے 99 ،سید فدا حسین ہاوس 105،ذکی فارمز127،ٹھوکر نیاز بیگ 95،بریڈ اینڈ بائونڈ لاہور 137اور پاکستان انجینئرنگ سروسز میں 189ائیر کوالٹی انڈیکس ریکارڈ کیا گیا۔