عمران خان نے خیبرپختونخواہ کابینہ کیلئے ناموں کی منظوری دے دی

بانی تحریک انصاف کی جانب سے صوبائی کابینہ کیلئے 7 ناموں کی سفارش، دیگر ناموں کا اختیار علی امین گنڈاپور کو دے دیا گیا، خیبرپختونخواہ کابینہ کا اعلان جلد متوقع

محمد علی منگل 5 مارچ 2024 22:47

راولپنڈی (اُردو پوائنٹ اخبارتازہ ترین۔ 05 مارچ2024ء) عمران خان نے خیبرپختونخواہ کابینہ کیلئے ناموں کی منظوری دے دی
بانی تحریک انصاف کی جانب سے صوبائی کابینہ کیلئے 7 ناموں کی سفارش، دیگر ناموں کا اختیار علی امین گنڈاپور کو دے دیا گیا، خیبرپختونخواہ کابینہ کا اعلان جلد متوقع ۔ میڈیا رپورٹس کے مطابق بانی تحریک انصاف عمران خان نے خیبرپختونخواہ کابینہ کیلئے ناموں کی منظوری دے دی ۔

منظوری وزیراعلی خیبرپختونخوا علی امین گنڈاپور کی بانی پی ٹی آئی سے ملاقات میں دی گئی ۔

(جاری ہے)

خیبرپختونخوا کابینہ کا اعلان جلد متوقع ہے ، ذرائع کے مطابق بانی تحریک انصاف نے مجموعی طور پر سات نام وزیراعلی خیبرپختونخوا کو کابینہ میں شامل کرنے کے دیئے ، دیگر ناموں کا اختیار علی امین گنڈاپور کو دیا گیا ، بانی تحریک انصاف نے کابینہ کے لیے نام پشاور سمیت تمام ضلعوں سے اہم ارکان کو شامل کرنے کی ہدایت کی ،بانی تحریک انصاف نے سونامی بلین ٹری ، صحت ، تعلیم اور پولیس میں ریفارمز پر زور دیا ،سونامی بلین ٹری منصوبے کو فی الفور شروع کرنے کی ہدایت کی ، سابق اسپیکر خیبرپختونخوا اسمبلی سینیئر وزیر ہوں گے ، ابتدائی طور پر دس وزرائ تین مشیر اور تین معاون خصوصی کا اعلان کیا جائے گا ، سید قاسم علی شاہ ، خلیق الرحمان ، ظاہر شاہ طورو ، کے نام بھی کابینہ میں شامل ہیں۔