آئندہ 24 گھنٹوں کے دوران ملک کے بیشتر علاقوں میں موسم سرد و خشک ، بلوچستان کے جنوبی اضلاع میں تیز ہوائوں و گرج چمک کے ساتھ بارش کا امکان

جمعہ 8 مارچ 2024 22:36

اسلام آباد (اُردو پوائنٹ اخبارتازہ ترین - اے پی پی۔ 08 مارچ2024ء) آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہنے اور بلوچستان کے جنوبی اضلاع میں تیز ہوائوں، گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور مطلع جزوی ابر آلود جبکہ شمالی علاقوں میں شدید سرد رہا ہے۔ جمعہ کو ریکارڈ کیے گئے کم سے کم درجہ حرارت کی رپورٹ کے مطابق کالام میں درجہ حرارت منفی 10، لہہ منفی 9، گوپس منفی 4، استور، ہنزہ اور مالم جبہ میں منفی 2 ڈگری سینٹی گریڈ ریکارڈ کیا گیا ہے۔