کوئٹہ گلیڈی ایٹرز کے انگلش کرکٹر لوری ایوانز دل دل پاکستان کے مداح ہو گئے

پریس کانفرنس سے واپسی پر لوری ایوانز نے نغمے کی سیٹی بجائی اور کوئٹہ گلیڈی ایٹرز کے مینجر اعظم خان کو گانا گانے کو کہا

بدھ 13 مارچ 2024 17:23

کراچی (اُردو پوائنٹ اخبارتازہ ترین - این این آئی۔ 13 مارچ2024ء) پاکستان سپر لیگ (پی ایس ایل) کی فرنچائز کوئٹہ گلیڈی ایٹرز کے انگلش کرکٹر لوری ایوانز دل دل پاکستان کے مداح ہو گئے۔کرکٹر لوری ایوانز میچ کے بعد پریس کانفرنس کے لیے آئے تو دل دل پاکستان کی سیٹی بجاتے رہے اس حوالے سے لوری ایوانز نے کہا کہ مجھے یہ دھن بہت پسند آئی ہے۔ پریس کانفرنس کے بعد بھی لوری ایوانز وہی دھن بجاتے رہے۔

(جاری ہے)

پریس کانفرنس سے واپسی پر لوری ایوانز نے نغمے کی سیٹی بجائی اور کوئٹہ گلیڈی ایٹرز کے مینجر اعظم خان کو گانا گانے کو کہا۔گزشتہ روز کراچی میں کھیلے گئے میچ میں ملتان سلطانز نے کوئٹہ گلیڈی ایٹرز کو 79 رنز سے شکست دی تھی۔ واضح رہے کہ دل دل پاکستان ملی نغمہ پاکستان کے سب سے معروف ملی نغموں میں سے ایک ہے اور یہ نغمہ مرحوم جنید جمشید نے 1987ئ میں گایا تھا اور آج بھی اسی طرح ملک میں پسند کیا جاتا ہے۔