ًنائجر نے امریکا کے ساتھ اپنے فوجی تعاون کے معاہدے فوری طور پر ختم کرنے کا اعلان کردیا

6 نائیجر(اُردو پوائنٹ اخبارتازہ ترین - آن لائن۔ 17 مارچ2024ء) نائجر نے امریکا کے ساتھ اپنے فوجی تعاون کے معاہدے فوری طور پر ختم کرنے کا اعلان کردیا۔ حکومت کی جانب سے یہ اعلان ایسے وقت میں کیا گیا جب کہ سینئر امریکی وفد نائجر سے ایک روز قبل ہی روانہ ہوا، امریکی وفد کے دورے کا مقصد صدر کو معزول کرکے روس کے قریب آنے والے فوجی حکمران کے ساتھ فوجی تعاون معاہدے کی تجدید تھا۔

بیان میں کہا گیا کہ حکومت نے نائجر کے اندر امریکی محکمہ دفاع کے فوجی اور سویلین ملازمین کی موجودگی سے متعلق معاہدے کو فوری طور پر غلط قرار دینے کا فیصلہ کیا ہے، حکومت کا یہ بیان قومی ٹیلی ویڑن پر نشر کیا گیا۔امریکی محکمہ خارجہ کے ترجمان میتھیو ملر نے کہا کہ واشنگٹن اس بیان سے آگاہ تھا اور یہ جنتا کی سمت سے متعلق ہمارے خدشات کے بارے میں بات چیت کے بعد سامنے آیا ہے۔

(جاری ہے)

میتھو ملر نے کہا کہ امریکا ابھی بھی فوجی حکومت کے ساتھ رابطے میں ہے اور ضروری اپ ڈیٹ فراہم کرے گا، پینٹاگون نے بھی اے ایف پی کو ایسا ہی بیان جاری کیا۔نائیجر میں اب بھی 100 ملین ڈالر کی لاگت سے بنائے گئے صحرائی ڈرون اڈے پر تقریباً امریکا کے ایک ہزار فوجی تعینات ہے۔جولائی 2023 کی بغاوت کے بعد سے وہاں نقل و حرکت محدود ہے اور واشنگٹن نے حکومتی امداد روک دی ہے۔