فارم میں واپسی کیلئے عماد وسیم کی بیٹی سے دعا کروانے کی ویڈیو وائرل

لاہور (اُردو پوائنٹ اخبارتازہ ترین - آن لائن۔ 20 مارچ2024ء) عماد وسیم نے پاکستان سپر لیگ سیزن 9 کے ایلیمینیٹر 2 میں کوئٹہ گلیڈی ایٹرز کے خلاف میچ کے بعد وائرل ہونے والی ایک ویڈیو میں اپنی بیٹی کے ساتھ ایک دلکش لمحہ شیئر کیا۔ ایک انسٹاگرام اسٹوری میں جو ان کی اہلیہ نے پوسٹ کی تھی، میں اسلام آباد یونائیٹڈ کے آل راونڈر کو اپنی بیٹی کے ساتھ دیکھا جا سکتا ہے جس میں پی ایس ایل میں اپنی بہتر کارکردگی کے لیے دعا مانگتے ہیں اور ان کی بیٹی نے ان کے بعد اپنے الفاظ کو خوبصورت انداز میں دہرایا جس سے یہ انتہائی پیار بھرا لمحہ محسوس ہوا۔

اس کے بعد عماد کی پرفارمنس دیکھ کر اندازہ ہوتا ہیکہ عماد وسیم کی بیٹی کی دعا قبول ہوگئی۔پی ایس ایل کے فائنل میں اسلام آباد یونائیٹد ملتان سلطانز کو دو وکٹوں سے شکست دے کر تیسری مرتبہ پی ایس ایل چیمئن بن گیا، اس مقابلے سمیت اسلام آباد کے اہم مقابلوں میں عماد وسیم کی کارکردگی نمایاں رہی ۔

(جاری ہے)

فائنل میں عماد وسیم نمایاں کارکردگی دکھاتے ہوئے پلیئر آف دی میچ قرار دیے گئے، انہوں نے 23 رنز دیکر 5 کھلاڑیوں کو پویلین لوٹایا اور 17 گیندوں پر 19 ناقابل شکست رنز بنائے۔

عماد وسیم اس سیزن میں راولپنڈی میں ملتان سلطانز کیخلاف میچ سے قبل اپنی فارم کے ساتھ مشکلات کا شکار تھے جہاں انہوں نے دوسری اننگز میں 229 رنز کے ہدف کا تعاقب کرتے ہوئے 13 گیندوں پر 30 رنز بنا کر کھیل کا خاتمہ کیا۔ اسلام آباد یونائیٹڈ کے آل راونڈر نے کراچی کنگز کے لیے گزشتہ سیزن میں 400 سے زیادہ رنز بنائے لیکن دو بار کے چیمپئن کے ساتھ پی ایس ایل میں اپنے پہلے سیزن کے دوران انہوں نے 7 اننگز میں صرف 48 رنز بنائے جبکہ 10 اننگز میں 7 وکٹیں حاصل کیں۔ عماد وسیم کو کوئٹہ گلیڈی ایٹرز کے خلاف 4 اوورز میں 3-12 کے شاندار اسپیل پر میچ کا بہترین کھلاڑی قرار دیا گیا۔ اس نے پہلے ایلیمینیٹر میں اسلام آباد کی ترقی میں اہم کردار ادا کیا۔